泰發泰國餐廳 (已搬遷) 新店位置

哥哥家住九龍城，不時一家人也會到來吃泰國菜，泰發就有兩間店，建議食轉角位的那一間，店舖較寬闊，環境好一點。今次因為遲到，就無參與點菜(太好了不用苦惱^^)。 小食拼盤炸皮蛋是推介，香脆保有蛋香，不會過油。蝦餅也有彈牙的口感，蝦味就不算太重，其他的炸物就正常水平，不驚艷。 欖角炒肉碎香口惹味，好食，不過較辣哦。 燒豬頸肉本身燒得不太老，外皮有點脆，但配汁異常奇怪，只好不沾汁吃，浪費了。 黃咖哩海鮮配蒜蓉包，蒜蓉包香脆熱噴噴，好吃，咖哩不會太辣，沒有太濃的椰油味，比較適合本人。 泰式炒金邊粉味道甜甜的，不過炒得很濕口感一般，不是我的喜好。價錢方面約100-150元一個人，環境食物性價比還好，但服務人員的態度比較差，整體來說也是可以的。總結評分味道:7.5/10價錢:7/10(人均消費100-150)環境:7/10服務:4/10性價比:7.5/10 推介食物:炸皮蛋，黃咖哩海鮮配蒜蓉包，欖角炒肉碎

Went to Kowloon City to have a late dinner with my b.Openrice showed that this Thai restaurant opened till late night so we picked this one.We arrived at around 11pm and there were still several other people dining inside.The decors were quite simple but the tables and seats were quite comfortable.Minced Pork with Lettuce was great.  The lettuce slices were big and intact so that we can use it to wrap minced pork easily.  The minced pork was well-cooked and well-seasoned -- it was sour and very

今日心血來潮想試下食泰國野! 次次去食泰國野都會叫泰式炒椰菜苗 因為去其他鋪頭冇得食架! 椰菜苗同其他菜唔同係會脆口D 所以落埋果D泰式香料炒就會好襯好惹味 哩度嘅都幾新鮮 咬落都爽口 又唔會炒到過火太林 不過好似唔係好有味 唔夠香口. 我覺得可能落多D調味料 另外 仲叫左個魚 都係普通啦 上到枱個窩都唔再熱 平時可能D汁會'炸炸'聲 不過哩碟就冇 我地再加湯上去都冇一個燒嘅感覺 加上當晚隔離果枱有十幾個女仔一齊食飯 係嘈到一個極點.... 下次都未必會再試~

生蝦刺身 呢個菜唔只有刺身，仲有炸蝦頭。生蝦好新鮮，有七八舊，冇殘餘內臟好乾淨，晶瑩剔透。雖然刺身好味，但我覺得炸蝦頭更加正。蝦頭炸得好脆，炸漿唔厚仲有d辛辣味，成件事好惹味。青檸牛肉有好多舊，兩個人食食到好飽。牛肉大概三成熟，好juicy唔（口鞋）口。但係下面d芥蘭好硬。

九龍城的泰國菜真是多到不得了，除了某些大食店，其他的小店我覺得味道更勝一籌。朋友介紹食呢間小店, 覺得水準不俗，而且價錢相宜。食物水準, 今次去點了燒牛肉及其他串燒，烤魚及海南雞。燒牛肉係必食既, 而見到好多人客都有點, 好大份, 應該都算係招牌菜, 唔食得辣記住個汁要分開上。 其他的肉類串燒，有點過了火位，肉質較乾。那條烤魚味道就是不錯，外面烤得脆脆的，内裏魚肉滑滑的，點一點他們的醬汁，味道令我回味無窮。 雖然我忘記了是什麼魚。。。。海南雞比較清淡，普普通通，肉很少。總括的來說水準唔差, 侍應們態度一般，欠缺了一分小店應有的熱情態度。

放工同事聚餐，晴天。九龍城食肆多，食泰菜選擇也十分多。這間適合大夥人同行。但服務態度有點差及不足。不是每間都有得食，味道新鮮，配醬也十分開胃。很夠特別的一度海鮮。生蝦，新鮮也夠凍。滿意。拼盤炸物脆香可口，分量足夠。炸皮蛋十分特別。也很不錯的選擇。鳳爪沙律，十分醒胃，味道十足。炒菜，味道分量也滿意。菜也新鮮。很特別的牛，味道也不错，不坊一試。新鮮感。雞肉肉質不錯，分量很足。咖哩味道大眾化，配合蒜蓉包很合適。

昨晚和友人在此吃飯，兩人先到看餐牌，還有一人還在九龍城在尋找此店，未己，侍應走過來，問“你們朋友幾時進來”，我們回答“佢黎緊”,怎料那個侍應高聲回答“我夠知黎緊啦，係邊樹黎緊”, 我之後就回覆“咁我而家落單”， 落單後，我的朋友亦進來，之後食到一半，那個侍應又問，“你地仲加唔加單”我地答了唔加，到我地食到8成，佢又走黎問你d野食唔食，要收走，我地答仲食架，到食到9成，佢又過來問加唔加單。我剛叫那椰青仲未飲架，真係食到好谷氣，之後還聽到那侍應叫收銀幫我地埋單，之後侍應走來叫我們埋單，我們答道“乜有限時嗎？”侍應答“有”，我的友人就問，為甚麼進來沒有告訴我們。那個侍應沒回答走了。之後用很粗暴的態度收走了隔離枱的食物，鄰枱雖然食到尾聲，但怎樣都要問下人還要嗎才收走。跟住立刻放下賬單叫鄰枱的客人比錢，那位客人沒叫埋單的，一係你講明食幾耐，而不是那樣粗暴對待顧客。可能見我們3人用4人桌所以態度那樣差，我到最後沒隱地飲了半個椰青就走了。我們3人由進來到離開都從沒加水，我的杯一直是空的。我們在此店逗留了1.5小時叫了4個餸，好味的泰菜在九龍城多的是，做到小小名氣就靴咁大個鼻。好味，但牛肉好多根粉絲好

因為某些原因，情人節唔可以一齊食飯，今晚補祝。本來搵好餐廳去食飯，但突然心血來潮想食泰國菜，即刻上openrice睇下有咩泰國菜好食，就黎到泰發！生蝦好大隻，而且肉質好爽，配上醬汁，正！！！冬蔭公湯味道尚好，略嫌配料唔多，唔夠濃！唉吖！……呢一刻好掛住係泰國飲過好好飲嘅冬蔭公湯！！！呢個泰式羊架超正，食得出應該係用炭燒出黎嘅味道，味道，火候剛剛好，好嫩～另一半好欣賞呢條檸檬魚，但我卻一般，沒有什麼檸檬酸味，味道很淡，只係男朋友仔話樣樣送都甘濃，淡淡地唔錯。見到隔離枱都叫左呢條魚，應該都係覺得唔夠味，問侍應揀左個魚露黎掂魚食！黎多個炒金邊粉，好足料，仲好大碟，如果味道上多少少酸味就好啦！總括都係好味嘅！好滿足的一個晚上，邊個話情人節晚餐一定要食西餐呢！？:-)

常常有種偏見，總覺得本店的食物水準往往比分店的較為優勝，泰發的本店是位於城南道，而它的分店則只有一街之隔，就在對面太子匯地下，距離可說是近在咫尺，總店與分店最大的分別在於室內環境，總店只是比較細小和陳舊一點，當晚從太子匯分店走向總店，雖然看見新店仍有虛席，不過鍾情於總店的環境氣氛，所以一直朝總店走去，當時總店門外已經有數位食客正在等候，不久食客們相繼入座，原以為自己要繼續守候，突然一個廚師打扮的泰國女士，從店內走出，二話不說講聲＂跟我來＂，原來她要帶領我們走去太子匯的分店，雖然跟先前的個人意願有點出入，不過既來之則安之，總好過呆等吧，而且兩店食物估計是同一廚房出品，質素應該一樣，而且新店空間比較寬敞，用餐時當然會舒服一點。新店的門面用上落地玻璃，置身其中，感覺比較開揚，內裡坐位也不算擠迫，甫一坐下，態度親切的泰藉侍應首先詢問需要熱水或凍水，瞬間已經奉上餐牌，水和蝦片，招呼不錯，餐前小吃的蝦片份量倒不少，小小的一籃子大約載著10多片，每片都非常香脆可口，帶少許辣味，一片接一片吃下，主菜未上桌前，它已經消失掉。 泰式青咖哩雞配蒜蓉包--咖哩是沒有跟白飯或麵包的，所以特意點了一份蒜蓉包佐吃，

又黎Re-u 飯~雖然山長水遠由中環過去.......又等左2個鐘先齊人食飯.........(餓死了........)但好開心大家第三年re-u......Yeah!!!!!事關我等左好耐.........所以一早諗定食咩......好彩大家都無異議姐 DDD開餐啦!!!!!!!!!!!!!!!生蝦 ( 8.5/10) $75大隻生蝦, 口感夠爽!!!當然要配埋個汁食啦!!!!正呀!司蚶 (8.5/10) $58佢係白灼ge........但食落味道似生蠔.......有D人會怕食佢....因為佢個樣好血腥.........好似流血咁........但係~佢補血wo..........hahahhahaah.......而且.........我都中意食生蠔......所以覺得佢不錯.....當然佢汁又係點睛之用啦!!!!!肉碎生菜包(豬) (8.5/10) $ 55我覺得好多間ge 生菜包味道都差不多........E間都唔例外.........但都係我中意食ge 味道!不過佢D生菜好似少左D wo...........同埋E間D辣味唔太勁!青檸汁燒牛肉 ( 9/10) $98E個真

大姨想要吃頓好的正宗泰國菜。我這個美食盲公竹當然馬上帶她一家走進龍城區內了.....本身已試過區內不少的泰菜館，但在龍城內的食肆是多得尤如恆河沙數，試問又怎會那麼輕易便試完呢 ? ....是總會發現一些漏網之魚的....最後在尋尋覓覓之下找到了這間叫"泰發"的，一吃之下發現真的不錯....這也算屬遲來的發現吧....我們當晚是到了新舖光顧。晨咁早六時許便抵達，幸好剛剛有張沒預先留起的檯可給我們。眼看着有些比我們遲了少許的人走進來攞位時也被迫打回頭，就知我們是極走運了....未點菜前，侍者先送來一小籃炸蝦片。是既香脆帶微辣又沒溢味，極之惹味的它絕對是令人食完一片又一片....食泰菜怎能沒有咖喱 ? 要了一份青咖喱伴雞肉。侍者說它是不辣，但食落後初期確是如她所說的，但隔了數秒後辣味便登時跑了出來而且程度是不輕的，頓時嚇得不能食得太辣的大姨馬上要灌水 。但話說回來，這個青咖喱的味是調得比同區其他的泰菜店濃稠，而最難能可貴的是連雞的肉質也是既結實有頭且真的"雞有雞味"的，就連咖喱本身的濃味也無法將之遮掩，確實難得....串燒的水平反而就普普通通，肉還算嫩的但卻少了應有的焦香，食落無厘火氣

趁自己的俗務未忙碌的時間，趕快寫多兩篇食評，希望可以推持到一些時間吧(我自己都不抱太大的期望)。星期六突然心癮起想食泰國食物，食這類食物首選當然是九龍城呢，一街多間這一類的食店，這間多人要等就去另一間，而多數都是由泰國人經營，食物和食法都十分之地道，所以就算星期六去都一定可以選擇到心水的食店，今天去到食晚飯的就是泰發泰國餐廳。剛剛六點行到城南道口近太子道西的交界，看見一間貌似新開的泰國食店，望一望名字有少少熟口面，原來是同一條街對面泰發泰國餐廳的分店，不過地方就大了一些，佈置都比較新穎，見入面還未有人客就入去試下這一間分店的味道如何了。內部的佈置就比較陝窄，因為全部都是用兩人的枱來拼合的，四人來就用兩張來合拼，如此類推，但兩人去食時就張四人拼合的分開變成了兩張二人的枱，中間的空間根本窄到不能行，有時出出入入或有食物來時都有少許狼狽的情況。其他的裝飾就沒有什麼特別，不過就沒有其他食店將餐牌和食物相片貼滿在牆上混作一團的感覺，只有簡單的數張食物再加上一張泰國皇室的相片，對我來說的感覺就是簡潔和新穎。未叫食物時就來了一碟蝦片，當是餐前的小食也是一樂，顏色比普通的蝦片顏色深了一些，聞到有一陣陣

友人話想食泰國野，等登黎到九龍城揾食。第一次黎呢道，真係好多泰國餐館，一時間都唔知揀邊間好，睇左一陣，覺得泰發最光猛，感覺上乾淨啲，就入去啦。仲早，只有三枱客，可以慢慢睇餐牌。店員有禮地放低一碟蝦片同清水，沒催落單呢。蝦片很脆，但有點過鹹。三心兩意，揀左好耐先落單，叫左唔係好多野，要留肚食糖水吖嘛。生蝦呢樣係泰國野必叫嘅，雖然對蝦敏感，但本死無大害，照食。蝦非常新鮮，爽口彈牙，配上生蒜頭同秘制醬料，真係好正。而蝦頭炸過後十分香脆，食得唔好哂，一於吞埋佢地落肚。冬蔭功湯（細）入面好多料，有蝦，菇，豬肉，蕃茄等。味道酸辣鹹，好過引。而且一點都不油，一口氣飲左兩碗，唔停得口吖。馬拉盞芥蘭芥蘭鮮嫩，但好鹹，炒得一般。串燒 （牛，豬，雞）食係上黎三樣都差唔多味，無乜特別。沙嗲醬最正，好香花生味，我欣賞碟醬料多過啲肉。唔知係咪泰國人天生特別温柔，個個店員都好好禮貌，又有笑容，叫佢地斟水都係笑住黎，慢慢食又無趕客，真係唔錯。

天陰陰，又落大雨了。係時候食下辣嘢，去下濕。先嚟一個椰青，哇，好新鮮，好多水。跟著，我哋點左4樣嘢冬陰公—味濃，很足料馬拉盞炒椰菜苗—平時食開炒通菜。第一次食炒椰菜苗，幾特別。青咖喱雞—青咖喱味濃,但雞肉不夠入味。檸汁燒牛肉—個汁幾清新，牛肉生左點。這店食物都OK,但唔好其望服務好。

雖然在十天前嚐過泰式自助餐, 但已經留意到一間老字號擴充其分店, 無意在找甜品屋的時間發現佢就响鄰近新開, 二話不說即刻點了至愛三款: 青木瓜沙律$59 味道酸辣恰到好處, 大份清爽瓜絲配合大量新鮮生菜陪襯吸引 串燒豬牛雞 $66火候十足而且肉類充滿濃郁炭燒味, 但牛肉的品質可以更好 冬蔭功湯河$46 中蝦肉有5至6 隻, 粉身較硬但只有草菇蕃茄的湯底, 既沒有茄子,又沒有椰奶調和,頓感太寡兼沒有吸引力 泰式炒椰菜苗$58最夠鑊氣熱騰騰冒煙上桌帶濃郁香料,食落似乎係老嘅菜苗, 但雞汁已提升了整體口感亦彌補其不足看見鄰座的三位女士所點的烏頭魚, 生蝦同各款小菜賣相尚佳不俗, 兩位泰國人"樓面"招呼週到 (但有上錯菜嘅兩次"蝦琭", 相信同其中一位疑似生手者有關)而全場人數只有兩三枱, 入座率只佔6份之一而已, 幸好雨夜仍舊有一大班僱客(10人)到達, 令冷清的氣氛得以緩和