影片
更多
2022-09-26
5025 瀏覽
呢度都幾多人食。假日下晝3:00都滿晒人。不過就唔使等咁耐位。首先服務員個個都好寬容。好難得有一間餐廳有咁多個侍應都係開開心心咁樣做嘢。最怕遇到一啲事已經好似欠咗佢幾百萬咁黑口黑面。呢一度就算唔講佢嘢食，淨係對住啲服務員都已經值得一讚。呢度食嘢都唔平，好在有海港城嘅優惠券，滿$300減$100。再加上放假，心情特別好。食貴少少再加埋有優惠，嗌嘢食捱得特別開心。首先叫咗個三文魚刺身。一客有三片，每一片都幾厚吓。三文魚刺身新鮮，但唔係好肥。覺得普普通通，但好多時候做到普普通通已經好好。個辣味吞拿魚蓉丼有驚喜，魚蓉部份非常多。食晒成碗飯都會仲有少少魚蓉喺度。茄有少少辣味，好香。份量又多。海鮮海草沙律，入邊有粒好大嘅帶子同埋哈。好甜好新鮮。海草方面有少少滑潺潺，未必人人鍾意。三文魚子又多，開心。叫咗隻生蠔$110。比想像中細少少，但係好好味。鮮甜。一啲都冇腥味。個肚好creamy. 甜蝦刺身一碟有五隻。有一隻個頭夾扁咗，但係冇影響到佢嘅鮮味。隻隻都好甜好新鮮。最後叫咗一碟牛舌。一串就要$88。感覺都幾貴下。不過笑得好好味。燒到啱啱好，唔會好韌。又多汁。買單嘅時候六百幾蚊，可以-200。兩個人食
首先服務員個個都好寬容。好難得有一間餐廳有咁多個侍應都係開開心心咁樣做嘢。最怕遇到一啲事已經好似欠咗佢幾百萬咁黑口黑面。呢一度就算唔講佢嘢食，淨係對住啲服務員都已經值得一讚。
呢度食嘢都唔平，好在有海港城嘅優惠券，滿$300減$100。再加上放假，心情特別好。食貴少少再加埋有優惠，嗌嘢食捱得特別開心。
首先叫咗個三文魚刺身。一客有三片，每一片都幾厚吓。三文魚刺身新鮮，但唔係好肥。覺得普普通通，但好多時候做到普普通通已經好好。
三文魚刺身
$65
42 瀏覽
0 讚好
0 留言
個辣味吞拿魚蓉丼有驚喜，魚蓉部份非常多。食晒成碗飯都會仲有少少魚蓉喺度。茄有少少辣味，好香。份量又多。
辣味吞拿魚蓉丼
$208
30 瀏覽
0 讚好
0 留言
海鮮海草沙律，入邊有粒好大嘅帶子同埋哈。好甜好新鮮。海草方面有少少滑潺潺，未必人人鍾意。三文魚子又多，開心。
海鮮海草沙律
$108
24 瀏覽
1 讚好
0 留言
叫咗隻生蠔$110。比想像中細少少，但係好好味。鮮甜。一啲都冇腥味。個肚好creamy.
日本厚岸豪
$110
24 瀏覽
0 讚好
0 留言
甜蝦刺身一碟有五隻。有一隻個頭夾扁咗，但係冇影響到佢嘅鮮味。隻隻都好甜好新鮮。
甜蝦
$52
23 瀏覽
0 讚好
0 留言
最後叫咗一碟牛舌。一串就要$88。感覺都幾貴下。不過笑得好好味。燒到啱啱好，唔會好韌。又多汁。
厚燒牛舌
$88
37 瀏覽
0 讚好
0 留言
買單嘅時候六百幾蚊，可以-200。兩個人食到好飽。
張貼
