Pentola (大埔藝術中心)

營業中

休息中

本來環境、食物不錯，我哋仲諗緊下次再嚟食，但最後因為服務態度，令我哋決定唔再嚟食。我哋下午茶時段嚟食，諗住chill chill哋，叫咗兩小時無限暢飲。我哋見時間差唔多，諗住舉手添多杯。公道講句，之前侍應都有主動為我哋添飲。係後來轉咗第二個侍應當值，佢全程背住我哋睇電話，我哋舉過幾次手都冇人理。我哋咁啱接咗個電話，聽完電話再叫侍應，佢冷冷一句：「你哋過咗鐘啦。」我哋問佢過咗幾多分鐘，明明就只係幾分鐘。如果過鐘冇得添飲，我哋覺得好合理，但之前侍應完全冇理過我哋，我哋就覺得佢跟足規矩好唔合理。如果唔係因為趕時間，真係好想同佢理論下。一餐美好嘅體驗，瞬間扣晒分。