Nutmad (已搬遷) 新店位置

早前打左電話黎訂位星期六食午餐，已經表明只能安排窗口位俾我地。去到發現坐窗口位仲好，有chill既感覺。餐牌唔多選擇，我一早已經睇中左焦糖香蕉．雪糕．法式多士，另外再叫個野菌·忌廉·飲管意大利麵同慢煮伊比利亞黑毛豬．西柚，飲品就要啡常朱古力咖啡。野菌·忌廉·飲管意大利麵上碟出晒煙，十分creamy，野菌份量絕不吝嗇。飲管意大利麵第一次食，口感比較煙韌，好食。慢煮伊比利亞黑毛豬．西柚果然係慢煮，肉質軟腍，唔係好實既豬肉，另外有薯仔同蘆筍伴碟。焦糖香蕉．雪糕．法式多士賣相擺盤好靚，比我想像中大碟好多，一定夠飽。法式多士外脆內軟，沾滿蛋液，充滿蛋香味。啡常朱古力咖啡有朱古力雪糕、牛奶、朱古力醬，另外有特濃咖啡俾你自己落，仲有塊黑朱古添，豐富又好飲。