影片
更多
2007-10-11
5 瀏覽
環境:坐得唔算迫, 但張木櫈非常坐得唔多舒服.食物:個人覺得九龍城好多間都好食過哩間青咖哩: 得個辣字, 無香味, 牛肉無味炒飯: 又話有蟹肉&雞肉, 蟹肉搵極都搵唔到服務:1. 等位都幾勞氣. 聽到佢叫後面個number先, 大家都係2位, 咩理由佢先呢? 走埋去睇下, 個小姐寫錯左我係3位, 我即時同佢講"我係2位, 唔係3位喎". 照常理係咪應該俾我入先呢? 就算唔係, 講句"唔好意思, 搞錯左, 下張俾番你" 都有喇卦. 不過無喎, 一句聲都無. 直到我問佢, 咁下張係咪到我, 佢仲要叫我等等, 佢要寫左飛俾其他人先. 有種俾人當無到o既感覺2. 上菜其慢, 就算要碗白飯都要等幾個字.3. 落單/追單慢吞吞, 最efficient就係催人埋單.隔離枱差唔多食完, 即刻有侍應走黎問係咪埋單, 跟住成堆侍應車輪式咁問你埋單.... 問到我地坐o係隔離, 聽到都覺得好煩. 張單終於黎, 點知無黎到o既食物又無剔除, 要再計過.我自己就o係差唔多食完o既時候, order個甜品.等下等下, 有個侍應走埋黎問野食齊未(好明顯又係想叫我地埋單), 我地就話個甜品未黎, 佢突然先話"賣晒喎"
坐得唔算迫, 但張木櫈非常坐得唔多舒服.
食物:
個人覺得九龍城好多間都好食過哩間
青咖哩: 得個辣字, 無香味, 牛肉無味
炒飯: 又話有蟹肉&雞肉, 蟹肉搵極都搵唔到
服務:
1. 等位都幾勞氣. 聽到佢叫後面個number先, 大家都係2位, 咩理由佢先呢? 走埋去睇下, 個小姐寫錯左我係3位, 我即時同佢講"我係2位, 唔係3位喎". 照常理係咪應該俾我入先呢? 就算唔係, 講句"唔好意思, 搞錯左, 下張俾番你" 都有喇卦. 不過無喎, 一句聲都無. 直到我問佢, 咁下張係咪到我, 佢仲要叫我等等, 佢要寫左飛俾其他人先. 有種俾人當無到o既感覺
2. 上菜其慢, 就算要碗白飯都要等幾個字.
3. 落單/追單慢吞吞, 最efficient就係催人埋單.
隔離枱差唔多食完, 即刻有侍應走黎問係咪埋單, 跟住成堆侍應車輪式咁問你埋單.... 問到我地坐o係隔離, 聽到都覺得好煩. 張單終於黎, 點知無黎到o既食物又無剔除, 要再計過.
我自己就o係差唔多食完o既時候, order個甜品.
等下等下, 有個侍應走埋黎問野食齊未(好明顯又係想叫我地埋單), 我地就話個甜品未黎, 佢突然先話"賣晒喎"點解無人通知我地呢? 佢答: "er..... 唔知喎"
轉個頭唔駛1分鐘, 張單已經拎到我地面前, 突然咁有效率. 用哩招迫人走都真係掂呀.
食物同服務都係一般, 商場入面仲有好多環境同價錢相約o既餐廳, 下次會試第二間.
張貼