美心.翠園 (已結業)

今日到雞場飲茶，唯一選擇 美心翠園，之前已經食過，但佢地嘅老問題依舊存在！雞場飲茶有一個好處，可能因為番枱快，所以幾次都係即去即有位。點心，應該係旅客認為係香港必食嘅食品之一，而個人認為 美心呢個品牌嘅出品一向唔差，係雞場定必為旅客留低一個美好嘅記憶，但結果可能⋯⋯鮑汁雞腳叉腸灌湯餃蒸菜餃叉酥上面嘅五碟點心，兩人埋單連茶走前菜共HK$340，好睇又好食。==============================但係喺機場，作為對旅客在港嘅第一和最後的一個地方，除了美食，你們可以攪好尐『服務態度』嗎？差，差，係極差！得意嘅係：知客寫紙仔叫入，但入到去無乜人肯帶位及招待；人手比一般美心皇宮多，但都係叫極無人招待，包括落單及加水；最得意係埋單，叫侍應A埋單，佢點頭後就無再跟進，結果等咗十多分鐘後，唯有叫侍應B再埋多次單，再用多十餘分鐘，終於成功埋單。美心高層或關公 煩請請攪攪尐員工嘅服務，唔該！依家 香港俾你地個招牌同服務攪衰晒啦，快尐做嘢啦，唔該。