麥當勞

營業中

休息中

不知幾耐沒有幫襯過麥當勞(因為附近這間服務太差了)，今晚太太突然心血來潮想食一次，為了省時，於是我們各自用手機落單，咦？原來而家有珍珠奶可以跟餐㗎？(原來出咗成年....)屋企落完單後，急急腳去到攞餐，服務果然一流，我見無嘢飲，於是禮貌地問職員，佢不耐煩地說，特飲mc cafe嗰邊攞。ok，我唔明嘛，之後我行到mc cafe櫃位，我話用app order咗2杯珍珠奶外賣，我俾嗰號碼佢睇，佢突然大聲咁話唔同人落單㗎喎，我終於按耐不住反擊，係咪一定要落單嗰個嚟攞？講返杯珍珠奶(其他食物唔講了，一樣無驚喜)，意外地出色，真係要講講。宇治焙茶珍珠鮮奶(凍) 跟餐+$14茶味出色，好香好濃，我叫了少甜，真係無乜甜味，珍珠好有咬口，口感出奇地好唔太軟。宇治抹茶珍珠鮮奶(凍) 跟餐+$14絕對係一個驚喜，抹茶味剛剛好，不會過多或過少，甜味適中(我叫了少甜)，珍珠同樣軟硬適中。