寶蓮素食 (已搬遷) 新店位置

好耐無去呢間食店光顧，一直以來都對呢間食店印象唔錯，食品質素有一定水準。今日路過付近，滿心歡喜再行入去，打算食午飯。一坐低就覺得唔同以前，茶都未有，我連餐牌都未睇，個樓面阿姐就問你食乜，仲表現得好唔耐煩，最終叫咗碟炒河。食物送到，水準尚可保持，但樓面阿姐服務效率極高，我連最後一啖河粉都未放入口，就即刻收咗隻碟，算擺，返正都食晒，跟手唔夠一分鐘，阿姐就走埋嚟，攞咗張單話：「埋單架啦。」喂，大佬，食飽咗，坐多陣，飲杯茶都得呱，服務態度極差。另外，嚮食嘢其間，隔離枱有人客見到新鮮點心出爐，就立刻叫一碟，當然係貪佢新鮮熱辣啦，但係我見樓面阿姐行咗五、六轉，都唔攞俾人，又唔係有嘢做，我覺得佢好似特登唔俾，真係唔可以接受。