意粉 360 (已結業)

多年無去屯門，原來變左好多，特別多左好多名店，當然食店都吾少。今日同男友幫住係屯門的朋友SET UP部電腦，搞到成4點先可去市中心食野，見到依間店，望下個餐牌，又多選擇，價錢都可以，便入去試下。可能時間不早不晚，所以沒有太多人。坐底後，一個好有禮貌的男待應先問我哋想要熱水的冰水，這樣的天氣，當然會選擇冰水，之後開始研究有什麽好食。同男友分別選擇了下列兩個下午茶套餐：酥皮湯+肉醬意粉：肉醬意粉份量吾算多，但意粉夠淋身，肉醬夠入味。至於酥皮湯，湯係忌廉雞絲湯，酥皮好好味，湯就一般。不過要記住，由於酥皮湯製作需時，當食晒所有食物，酥皮湯要等很久先到。鐵板牛肉+肉醬湯意粉：鐵板牛肉很入味，同好淋身，吾會UN，至才個肉醬湯意粉，用左羅宋湯做湯底，很特別。套餐會跟一杯餐飲，我們分別叫了一杯熱檸茶，同一杯熱檸水，一般貨色，無咩特別。但依度服務真係吾錯，明知個酥皮湯會遲，會講吾好意思，送上時，也會同你講聲吾好意思，阻你咁耐。。真係吾錯，入屯門的話，值得一試。