一樂燒鵝

營業中

休息中

大約3點去到等左十幾分鐘入座，一坐低未睇menu，阿姐已經叫左兩次食咩，語氣好不耐煩，好似我阻住晒咁，我之後叫左燒鵝下庄及叉燒飯，總價$292。環境非常細小坐得好迫。上左叉燒飯非常細碟，叉燒份量好少，肉質又瘦又柴。燒鵝好多肥膏，皮唔脆唔香，食落去成口脂肪。咁嘅水平竟然係米芝蓮一星餐廳，完全唔明白點得到，食物質素及服務都低於一般水平，建議食客都係信口碑好過信呢啲評分，遊客唔知發生咩事先會去。總結價錢貴，服務差，食物唔掂，以後都唔會再幫襯。