Gastrobox The Cameron (已結業)

食靚扒最緊要坐得舒服，再加埋地方靚同服務好，絕對係perfect。今晚原本諗住試下個二人餐，不過又想食羊架，十五十六最後都係決定散叫。我地叫左4樣野，2款主菜2款前菜。法式香草燒嫩羊仔鞍，5成熟。羊肉燒到粉紅色，剛剛好，真係好嫩好好食。紫蘇茄蓉天使麵配龍蝦，龍蝦肉好鮮甜，又多膏，好味。唯茄蓉略咸，我覺得如果個茄蓉天使麵淡啲味龍蝦味可以再出啲。英式蘋果酒炸蝦，呢個前菜好香口，配埋他他醬食到停唔到口。法式磨菇焗田螺，田螺同薯蓉都好好味。最後，特別想讚下個香草多士，外脆內軟，新鮮好食。總括嚟講啲食物好好食，服務又好好，值得再去。