哈豆

營業中

休息中

觀塘工業大廈台灣菜，叫咗比較推薦嘅五寶什錦乾拌麵，五寶即係香腸、雞翅、豆腐、花枝丸、貢丸，諗唔到叫咩餸可以考慮呢個，樣樣都試到。不過呢五樣餸唔係太夠熱，雞翼似係一早煮好冇翻熱直接夾落去，花枝丸同埋貢丸都非常普通，不太彈牙，亦都吾熱。乾拌麵店家係用關廟麵，係台南市著名嘅手工麵，麵質粗身，但煮得太淋，完全唔爽口，醬汁係麻辣醬加上芝麻醬，幾香。而飲品今次試咗佢哋獨有嘅珍珠豆漿紅茶，清香健康。今次叫咗少甜，飲落去有啲淡口，比較建議試返原味。同埋店員唔太熟悉流程，似係新黎，埋單嘅時候出現咗小插曲，已經比完錢，但係係我入咗lift 之後追出嚟話我比少錢，埋單都搞咗10分鐘，最後發現係店員嘅問題，佢哋將隔離枱落嘅食物落咗去我張單嗰度，今次用餐嘅體驗非常差，本身已經好趕時間，最後搞到上堂遲到。