翡翠拉麵小籠包

營業中

休息中

落機想食返啲中式嘢所以就揀咗呢間上海菜館，食物質素只屬一般，不過侍應嘅服務非常好，都幾細心。小籠包一籠有四隻，佢嘅包皮博得來又唔係好易穿，熱辣辣幾好食。上海雲吞湯麵啲雲吞嘅皮都幾滑，不過就好容易散開晒，唔知係唔係爆嘅時候爆得唔夠好。鍋貼就麻麻哋，感覺上唔係好夠香，不過值得一讚嘅係佢嘅餃皮唔算厚。另一碗麵我哋叫咗上海排骨麵，其實即係炸豬扒碎上，佢個豬扒嘅質素唔錯，都幾厚身，咬落去都幾淋身。常見嘅上海甜品通常就係高力豆沙或者豆沙鍋餅，我自己就鍾意豆沙鍋餅多啲，呢間都做得唔錯，唯一缺點就係唔夠熱。