小草十八怪

營業中

休息中

呢間嘢食過最少七次，覺得蟹黃湯，金湯同埋酸菜魚湯特別好味。今次帶屋企人食晚餐。鋪面光鮮乾淨，老闆好細心，知道我哋搵洗手間，即時引導我哋方向。嘢食揀咗石鍋拉麵，屋企人第一次食，都覺得好味，米線好腍好入味，湯底材料好豐富，叫咗金湯，食得出有鹹蛋黃味，鯛魚好爽好入味，另外嗌咗鹹蛋黃炸魚皮同埋海帶，味道好夾。由於係石鍋嘅關係，啲面保持到熱，價位亦算平民。當我差唔多食完石鍋拉麵，老闆見到我冇乜湯，主動問我使唔使加湯，好細心，服務好好。下次會再食，有機會再介紹朋友食。