清亭．燕萍 (已結業)

30/8 訂咗5人1930枱,我地3個人上到去,服務員話要人齊才俾入,但背後明明有幾張枱都仲未人坐.我地指仲有2個係sogo行緊嚟都唔入得.問多兩句,終於俾我地3個入,點知俾咗張4人枱(2張雙人枱拍埋)+1張主家櫈,我地問有咁多張大枱點解要俾呢張,服務員話其他有人訂咗,唔俾得我地,我話咁細張枱叫多兩個餸都唔得啦!服務員反應話可以上菜慢d喎!(咁都得??)好衰唔衰,隔離張枱又係咁放,2個主家櫈背頂背,迫到死,好啦,終於問到嗰老闆出嚟啦,話會換張大枱俾我地,不過要等吓先哈,後面就有幾張六人枱都仲要等真係火都嚟~@~即刻拉隊走人(我另外2個朋友已經到埋),嬲到爆