多彩皇宮

營業中

休息中

今早阿媽話去飲茶，去到揀左位坐低個伙計已經話唔好坐呢度坐第度，好明顯留左位比人啦～好，咁算啦，食到一半，忽然聽到有個女人好勞氣好大聲罵啲伙計，應係啲態度問題啦。食到差唔多，差緊籠潮州粉果未來，好，咁叫啲伙計追啦，叫第一個，應左你就算，無去睇。叫第二個，直頭企係我地張枱度同同枱阿婆吹水，應都唔應，繼續吹水。叫第三個，依然係咁，應左你就算。最後，出左去見到有個伙計係度玩電話行埋去督住佢幫我地追。嘩，我終於明開頭個女人做乜事咁勞氣了。一早食到成肚火，無下次。啲管理層如果睇到既話，唔該你好好正視呢個問題，我唔係成日去你間茶樓飲茶，但之前都有兩次見到食客同啲伙計嘈～