影片
更多
2017-08-10
201 瀏覽
好少會嬲到要寫出黎，今次都可以話係頭一次。。。首先讚左先，啲食物真心好食既，叫左三樣野，辣芝麻炸雞翼好脆口好入味，黑松露薯條唔洗講啦個味道係perfect match，煙三文魚峴肉天使麵都好味！ 今次想講既係佢地員工既態度同服務質素。。。一開始侍應推薦我地食套餐會抵啲，有埋餐湯、茶/咖啡、甜品。我中意到每間餐廳都試下佢地既特式飲料，所以加15蚊點左杯凍既chocolate@paradise。大概等左一個鐘左右野食都到齊，食剩一半既時候，杯特飲仲未到，男朋友提議我要唔要催下。我見旁邊比地我地早到既客人都係啱啱上野飲，一心諗住人地或者好忙出唔切野飲，決定等多一陣再唔黎先催單。 十零分鐘又過去，一問侍應之下原來係落漏單，咁算啦，唯有怨自己唔好彩冇早啲叫佢地跟下單。又等左十零分鐘，枱上既野食都食完了，啱啱到既客人杯野飲都上了，再問侍應，原來我杯野飲仲未沖！ 漏左單唔係應該快啲出返我個杯先嫁咩。。。我真係憤怒到就黎要爆粗，但見個侍應一個人要serve哂全場，忙到踢哂腳我都唔忍心爆佢，只係叫佢取消杯特飲，改做凍檸茶，凍檸茶唔洗沖好耐啦掛？（取消特飲之後係完全冇人問過我原本跟餐送既咖啡/茶想揀返咩飲
首先讚左先，啲食物真心好食既，叫左三樣野，辣芝麻炸雞翼好脆口好入味，黑松露薯條唔洗講啦個味道係perfect match，煙三文魚峴肉天使麵都好味！
今次想講既係佢地員工既態度同服務質素。。。
一開始侍應推薦我地食套餐會抵啲，有埋餐湯、茶/咖啡、甜品。我中意到每間餐廳都試下佢地既特式飲料，所以加15蚊點左杯凍既chocolate@paradise。大概等左一個鐘左右野食都到齊，食剩一半既時候，杯特飲仲未到，男朋友提議我要唔要催下。我見旁邊比地我地早到既客人都係啱啱上野飲，一心諗住人地或者好忙出唔切野飲，決定等多一陣再唔黎先催單。
十零分鐘又過去，一問侍應之下原來係落漏單，咁算啦，唯有怨自己唔好彩冇早啲叫佢地跟下單。
又等左十零分鐘，枱上既野食都食完了，啱啱到既客人杯野飲都上了，再問侍應，原來我杯野飲仲未沖！ 漏左單唔係應該快啲出返我個杯先嫁咩。。。我真係憤怒到就黎要爆粗，但見個侍應一個人要serve哂全場，忙到踢哂腳我都唔忍心爆佢，只係叫佢取消杯特飲，改做凍檸茶，凍檸茶唔洗沖好耐啦掛？（取消特飲之後係完全冇人問過我原本跟餐送既咖啡/茶想揀返咩飲，要我自己主動叫佢地先跟返，甜品都係要問佢地先有。。。Orz）
又等左五分鐘，見到男侍應手上拎住個咖啡杯行過黎話凍檸茶到，我同男朋友你眼望我眼無奈咁笑左出黎，我地係點凍檸茶唔係熱檸茶呀。。。 折騰左一大輪最後都終於有啖野飲下。。。
基本上成餐飯我都係乾啃，（店家提供既清水是水喉水好大陣味冇飲到）到食哂野，三催四請先有杯凍檸茶飲下。。。我唔會怪serve我地個位男侍應，因為睇得出佢係新人，啲野都未係好熟，而且樓面其實有三個男侍應，但全程我都只係見到佢一個人忙緊，仲有其他兩位我諗係比較資深既侍應就淨係行行企企，埋首玩電話，從來冇諗住要幫下個新人手，亦從來冇主動積極留意顧客有咩需要，呢一點係我覺得最失望既。而直到埋單既時候我係連一句道歉都冇聽到，唔係客人大哂，只係希望有返少少既尊重。。。 其實飲食行業落漏單落錯單好正常好小事，但員工既態度同處理手法有失妥當就好大件事。假如呢間店既老闆睇到呢篇文章我希望真係會好好再培訓一下佢地既員工。啲野食好食啦，個裝修又靚啦，但啲員工真係好唔掂。我應該都唔會再黎食啦，除非員工質素有明顯改善啦。
臨走既時候男朋友有啲意猶未盡仲未食飽問我洗唔洗去食碗糖水，我講笑咁話「本來仲食得落一碗雪糕豆腐花既，但而家受既氣都受飽囉~」
張貼