醉辣鮮 (新田購物城) (已搬遷) 新店位置

第二次踩單車去到新田購物城，今次選擇坐低食埋野先返去，㨂咗呢間海鮮蒸鍋。因為係星期六，原來呢到都book爆哂，店員超有禮貌安排門口既坐位，唔好忘記，我地仲有兩架單車，都係阻地方架！坐低之後又會講解套餐內容，用餐途中都多次幫我地放食物，十分周到。叫咗個$198海鮮餐，雖然係價錢最平既套餐，但都食到飽一飽架！而且蔬菜都係任拎既，如果要講，唯一美中不足既地方，就係飲品無任飲。總括黎講，價錢和食物加上服務，真的是十分滿意！