Izumi Curry (已結業)

V city新開左好多間餐廳，本來想試羅麥記，但因太多人同太肚餓，見隔離呢間Izumi curry無咩人，就入左去。因為無咩人，所以唔洗等，成間舖客人量好少，無一半，但出面其他餐廳都等好多人，都開始驚係咪會中伏.之後我地2個人叫左2個雞肉咖哩飯，有配野飲+沙津既.坐左20分鐘，開始有d唔耐煩，連野飲沙律都未上，明明見到吧台既服務員係度發呆，又唔郁手做野。成間舖有5個服務員負責樓面，但成日見佢地企埋一堆傾計，我地舉手想追追d食物，d服務員企係一堆，3個望到，得1個理我地。追左之後起碼5分鐘先見到個發呆既服務員郁手整野。過多5分鐘先上飲品同生菜沙律，其實生菜沙律有無禁難整？最離譜係我地聽到隔離對夫婦等左1小時都未有食物，沙律都無，佢地追問先話漏左單.我地再等左10-15分鐘個雞肉咖哩飯先泥，泥到睇到真係嬲，個5舊肉，加d飯咖哩汁，洗唔洗整禁耐？仲要餐廳係無咩客人，服務員又掛住堆埋一堆傾計，發呆。得2個男同女服務員真係做野又有禮貌。我地隔離個兩夫婦仲慘，我地食左10分鐘d野都仲未到，問服務員，又話而架整，明明成75分鐘落單，最後佢地唔食走左。真係唔會再去食！