影片
更多
2021-01-21
780 瀏覽
朋友最近話去過小白鷺餐廳，已經轉了手，重新裝修有戶外pet zone area ，憑相片中舒適寬敞戶外梳位椅，便用link 預訂pet zone area ，註明2人及2毛孩，並收到確認電郵。以前出面全部係咪錶停車場，依家有些車位有’專用車位‘的牌放在停車位，沒有註明是誰人或餐廳專用，其餘停車位已泊滿，我唯有先帶1隻毛孩落車去餐廳取位及詢問邊度可以泊車。去到門口，見到入面有兩三個侍應，其中一男一女明明見到我拖住毛孩在門外，都無意思想出來招呼。由於拖住毛孩，唔想拖佢入去indoor ，我knock 左兩次玻璃門，好大聲，個女侍應至施施然行出來問我有冇book 枱，態度傲慢，問佢邊度泊車，佢就求其話泊路邊。佢帶我去咗旁邊有太陽傘的outdoor area，果度好明顯唔係pet zone area，枱與枱之間排得好密，雖然每張枱上有透明屏風相隔，但人會好正常向後relax 坐，同隔離枱既人只有15 cm 距離，非常近。我搵另一個侍應問，我話book 左pet zone area，我話呢度係唔係，佢話pet zone area 裝修緊。如果係咁，佢哋既booking link 或 confir
以前出面全部係咪錶停車場，依家有些車位有’專用車位‘的牌放在停車位，沒有註明是誰人或餐廳專用，其餘停車位已泊滿，我唯有先帶1隻毛孩落車去餐廳取位及詢問邊度可以泊車。
去到門口，見到入面有兩三個侍應，其中一男一女明明見到我拖住毛孩在門外，都無意思想出來招呼。由於拖住毛孩，唔想拖佢入去indoor ，我knock 左兩次玻璃門，好大聲，個女侍應至施施然行出來問我有冇book 枱，態度傲慢，問佢邊度泊車，佢就求其話泊路邊。
佢帶我去咗旁邊有太陽傘的outdoor area，果度好明顯唔係pet zone area，枱與枱之間排得好密，雖然每張枱上有透明屏風相隔，但人會好正常向後relax 坐，同隔離枱既人只有15 cm 距離，非常近。我搵另一個侍應問，我話book 左pet zone area，我話呢度係唔係，佢話pet zone area 裝修緊。
如果係咁，佢哋既booking link 或 confirm booking email 應該要講明per zone area 暫停！我哋帶住2隻毛孩，又要坐到咁迫，極度唔理想⋯⋯我寧願去返西貢。除咗餐廳，其他範圍仲整緊，無地方俾人＆毛孩周圍行下。
我打電話俾老公，叫佢泊路邊，但佢望唔到邊個路邊可以泊車，10 分鐘後，佢話原來有個餐廰staff 會在咪錶停車場門口，咁啱佢走開左，最後佢俾咗個‘專用車位’我老公泊車。其實餐廳應該要提供多啲泊車安排資料在booking link 或者餐廳門口！
由於環境相當擠迫，我哋快快食完就埋單，由坐低到走唔夠1個鐘。隔離枱一對男女，早過我哋坐低order 野食，果位女仕追個侍應話等左1個鐘仲未來main course.....個男仕食完個main course over 30 分鐘......
總括而言，餐廳服務員態度差，安排未符合預訂要求，其他配套設施未完善，周圍環境仲未整好，應該有排都唔會再去！
張貼