Billow Bar Seafood Bistro (已結業)

天氣好又放假做乜好遠離鬧市享受下人生🏖️之前一大班係小白鷺BBQ今次二人世界chill下品嚐完美食又可以打卡🤍◂ ◂ ◂ ◂ ◂ ✐☡ ▸ ▸ ▸ ▸ ▸先有三款餐前包配牛油之後就開吃主菜囉～▸ 海膽燴飯𝐒𝐞𝐚 𝐔𝐫𝐜𝐡𝐢𝐧 𝐑𝐢𝐬𝐨𝐭𝐭𝐨全白襯托下搶眼橙紅燴飯綿滑海膽非常香濃甘甜軟嫩帶子加上少許鹹香魚子醬飯質粘糯淡淡海膽甘香配上不少芝士同忌廉煮獨食有點膩兩人分享剛好🥰▸ 黑松露忌廉寬條麵𝐓𝐫𝐮𝐟𝐟𝐥𝐞 𝐅𝐞𝐭𝐭𝐮𝐜𝐜𝐢𝐧𝐞 𝐂𝐫𝐞𝐚𝐦 𝐒𝐚𝐮𝐜𝐞先衝擊嗅覺 上枱散發一股濃烈「汗臭味」只因超多黑松露同芝士🤤後滿足味蕾份量蠻多每口松露香久久不散咸淡度適中奶油感重而不膩除洋蔥亦有不少種類菇菌增加口感▸ 𝐋𝐨𝐧𝐠 𝐁𝐥𝐚𝐜𝐤更能飲到咖啡油脂甘香口感濃郁順滑且微酸

今日我同老婆加個女（1歲）去完彭福公園純粹路過, 冇睇餐牌行咗入去, 坐低先發現 set lunch得二揀一398蚊加加一, 三個course頭盤主菜甜品，復活節冇得揀，預佢貴, 算！但問題來了：1）服務：佢地個經理（佢衣著同其他waiter waitress唔一樣）安排我一家三口坐張二人枱冇所謂， 你加張bb櫈畀我個女都正常不過，但正常人都唔會將佢擺喺一個人來人往嘅路口度，ps當時半尺範圍內另有一張二人枱靠邊係吉嘅。我哋之後日畀安排轉去呢一張枱。響前後大約一個鐘裏面，包括佢哋經理，接觸過六個staff，除咗幫我哋落單嘅嗰位waiter同主動幫我哋轉枱嘅小姐之外其他四位都係唔知道做緊乜。我地食完主菜唔記得有冇餐飲，問下個其中一個waiter，佢話應該有但幫我問下，ok冇問題, 但係接手個問題嘅另外一個waitress, 返黎就同我地講無包餐飲，原來成四百蚊一個set lunch連餐飲都冇，好唔緊要，我飲水。甘等咗一陣間，又問下個餐有冇跟甜品，其中一個waiter竟然可以同我講"我唔係好清楚"就自己行咗去完全唔理你, 勁！之後問個經理，佢又答我冇，但過咗幾分鐘之後又返嚟同我講話原來係有個

食物一般, 價錢離地!用餐時間七十五分鐘, 70分鐘已催你埋單;一次己無回頭價錢太貴唔值得再去， 去完一次已經好足夠咖啡都唔係好好飲， 拉花拉到唔見咗花有少少失望!!!

Billow bar seafood bistro 坐落於前身大埔白鷺湖互動中心，餐廳設計以湖邊小屋為創作靈感，融合園林綠化及海洋的建築風格為客人提供一個寧靜舒適的用餐空間，用餐後仲可以到其他靚位比大家打卡拍照食品方面 : 美國安格斯牛扒 : Medium 牛扒煎得剛剛好，切開後肉汁鮮味，蘸上少少海鹽，更能夠提升鮮味黑松露雜菌意大利飯 : 黑松露味濃郁，加上芝士碎、雜菌及充滿忌廉上湯的意大利飯，非常入味是日甜品 : Tiramisu 層次分明，味道微甜，值得一試

香港夢幻北歐風湖邊餐廳呢間餐廳建於湖邊，成間餐廳以純白簡約風再搭配木系色調，裝潢走歐陸風，一入去就好似置身於歐洲一樣。無論任何一角都係影相的好地地📸餐廳分為室內同戶外2區，室內落地玻璃設計以比我地欣賞湖邊景色，而戶外花園走田園風。餐廳佔地有3000呎有多，空間感十足，餐廳出面仲有小花園同水上單車玩，就算同埋小朋友黎都唔怕悶。今次老公同我黎呢到過生日，食物質素好，行多國菜西餐路線，而且員工好友善，藍天白雲，我地成家都食得好開心😊 食完飯餐廳員工仲介紹唔同地方比我地可以行下，好似去左旅行一樣。

食物九流，環境只能加小小分。成日睇到啲人黎呢到打卡，但次次都訂唔到台，終於比我禁禁下訂到台，仲要係9 點個場，早過返工，山長水遠，滿心期待咁黎到，但真係好失望。只係個境真係靚既，但你問值唔值得入黎，我又覺得咁多地方有靚境，又唔一定要入黎囉。首先我哋已經好難訂位，終於訂到仲要朝早咁早既時段，黎到先發現，其實又唔係坐滿人架喎，我懷疑好多人訂左放飛機。咁就算啦，人少啲無咁嘈仲好啦。入到去拎左位，侍應已經提醒我地，用餐時間係75 分鐘，咁我哋見到又無人，但又要限時都覺得好無奈，重點係我哋食到最後，都仲係好多位吉左係到，都仲要趕我地走就真係好無奈囉。啲野食就真係唔好講啦，講難食都真係唔係唔岩，好普通甚至有啲難食。好唔好食都係一餐姐，當食境算啦。但最嬲其實係佢全程提左我地好多次係75分鐘。係我哋無超時既情況下，佢帶位時講一次，上野飲時講一次，之後執台又講一次，得啦，知道啦，不如放個錄音機係隔離提醒我哋算啦。同埋，因為一早講左我係慶祝朋友生日，亦都預先預訂左個甜品拼盤，仲講左要寫祝福語句，係預訂既時候都講好晒，社文平台 msg confirm 晒。但我去到時佢地無一個侍應係知道發生咩事，淨係幫我搵返

以前搭火車經過會望多兩眼，傳說中嘅小白露湖畔花園🌳🌳原來餐廳都幾full Booking，預先網上訂位就唔怕黎到冇位啦！Set Lunch 📍Chorizo.mozzarella. handmade pizza 手工西班牙辣肉腸薄餅 $148呢款薄餅堅係好味，餡料分量配搭得非常之精準，夾出嚟嘅味好好食！薄餅底係簿批，食落邊位脆卜卜👅 價錢偏貴📍grilled u.s angus sirlon. Portobello mushroom. Green peppercorn mustard 美國安格斯西冷配大啡菇 $228質素正常，只係份量偏小。不過都係果句，我地黎係係食環境的🙈📍cappuccino 跟餐加$30對住咁靚嘅湖景，梗係要來杯咖啡chill吓嘆吓啦！咖啡味道屬於正常級別，靚景為佢加咗好多分😂食完飯仲可以係戶外周圍行，欣賞下建築物本身嘅美麗。湖邊涼風陣陣🌊戶外空間比想像中細，但係食完飯周圍行吓都唔錯。湖邊涼風陣陣，無論一家大細定係情侶拍拖都非常之適合🈴️我同友人都趁機影咗好多花相，同大家開心share下！聽講每一季園丁都會換上唔同花朵，非常之漂亮！好多識花之人同埋攝影發燒友都會入嚟

有人好神心，計定14日前上網訂座，為了一見呢個小白鷺😆雖然由細細個坐車已經成日見到個水上活動中心，但一次都未來過。而家餐廳翻新了，吸引好多人來食野～ 預了呢度係食環境，的確一個course 要二百幾蚊，叫了一個西冷，一個慢煮雞胸肉雞肉來的時候係個飯，以為點錯了，原來我地都無睇清menu🤣 係配黃薑飯的。賣相好靚，只係打亂了對面的減肥計劃🙈 味道好得，雞胸肉慢煮真係好嫩🤤而且個飯係risotto，飯裡仲有不同的香料配菜，最重要係有香茅呀😍 大愛！！！好有驚喜～至於西冷🥩，叫了medium. 但來到時一切。。已feel 到不妙了。。medium well nearly well done… OMG🤥 食牛扒最怕的一刻。。頓然失望了🙁 但係食落，個扒味道又出奇地好喎😳 係有少少咬口，但好彩又未至於靭到咬唔開，同埋無失去咗塊扒的肉味。又有驚喜😃 之前聽人講D野食麻麻地，我要替呢度平反😆

難得肥bu weekday放假，去咗想去好耐嘅Billow bar seafood bistro, 呢間餐廳前身係小白鷺餐廳，幾年前我哋都去過😊😊 聽講呢度平日都好爆場，所以前一晚特登上佢哋社文平台 book位，但可惜我哋想book嘅lunch時段已經full咗，所以唯有搏一搏早上11:30 walk in 啦😆 大約11:40去到餐廳，已經有三成入坐率，估唔到連平日都咁爆😱😱 好彩nice嘅waitress姐姐安排到一張枱俾我哋，如果大家想坐窗邊位，記得預約時mark定啦😊我哋每人叫咗一份lunch set， 包湯🥣、主菜同餐飲🍹 肥bu叫咗份美國安格斯西冷🥩拚大啡菇($228) 份量算大份，牛肉味道不過不失，煎得幾香，但唔夠腍滑，反而大啡菇有驚喜😋我叫咗紐西蘭羊膝🍖（$198）一上枱真係俾個份量嚇親🤣🤣非常大份，賣相亦靚，但味道一般，咬到牙都甩啊🤣🤣🤣 湯係蘑菇湯🍄，配上白松露油，對比起主菜，我哋都比較喜歡呢個湯😆😆用餐區分indoor 同 outdoor, indoor 環境舒適，適合打卡😎😎 outdoor 就適合一大班人傾下計食下嘢，我會推介大家坐Indoor😊😊

每晚check 住online 有冇位，有冇位終於比我book到個午餐時間，由火炭揸車9 分鐘非常近，可惜當日早上落大雨！諗住有陽光有view 通通冇出現😶‍🌫️講返食物！我哋三人午餐餐牌分別叫咗個安格斯牛扒、Carbonara 意粉and Beef Burger！每個餐都會有餐湯同埋飲品，質素中規中矩吧！牛來講唔係太驚喜！最出色係個意粉有蛋香有芝士味！非常creamy!但座位安排因為太熱坐室內又唔係靠窗邊，本來諗住面對池景享受下個view ga ma🥲午餐三人食咗$700！個人覺得咁遙遠同整體嘅質素！大概可試>>>一次吧🤣應該唔會再Encore

大埔滘係我假日行山嘅其中一個終點站，好多次行完山都想行去試一次，但係發現唔訂係好難有位。既然人人都話好難訂，加上已經好耐沒外遊渡假，所以都花咗一段時間嘗試睇吓訂唔訂到下午茶。餐廳主要做網上訂位同walk-in，每日開放早兩個星期嘅位置，試過好多次凌晨12點入到網站，已經完全訂唔到晏晝或者下午茶🌚🌚。最近先發現原來前一日，間唔中會有人取消放返個位置出嚟，所以臨時臨急突然之間又俾我訂到Tea Time😄。.小白鷺餐廳已經好多年，最近翻新過所以又再火起來。建築物外觀確實好靚，好有去左歐式建築感覺。但其實餐廳面積唔大，室內同室外嘅位都唔多。如果唔怕熱嘅話建議坐室外，因為佢有幾張靚枱係走道對正湖邊幾靚。.Brunch Set假日日間時間只係得Brunch Menu，夜晚就做À la carte。.頭盤無左上網睇到既靚Cold Cut 變左Garden Salad。見到一盤草個下都幾失望🥲.牛肉漢堡•車打芝士•煙肉•薯角 💲188⭐️3.2/5同行者話塊漢堡扒淡而無味，我覺得還好，一般西餐廳出品。冇晒薯角轉左薯條，但薯條凍既，好硬唔好食。.蒜片辣椒蜆意大利麵 💲168⭐️2.5/5上檯睇個樣都似唔好食

Truffle Fettuccine Pasta溫度完全不夠熱（像放了很久才被端上來），所以難以拌開冷卻了的芝士和下面的意粉牛柳overcook，叫了medium但其實接近medium well，紅酒汁略淡和少鵝肝正常，有一點鹽味白酒煮蜆和清水煮蜆差不太多...幾乎沒有調味，而且有一兩隻蜆裡有沙最令人無法忍受的是食完這間餐廳的食物後食物中毒

昨晚好幸運竟然比我在網上預約等這家餐廳，不知所故總是很難訂位，這餐廳不設電話訂位，walk in 又怕去到無位，唯一途徑只有在FB 訂位。🤟🏽是日晚餐🍸對我來說在如此浪漫地方來一杯葡萄白酒就是最享受不過的事，這杯葡萄白酒芳香純厚，果香花香味道平均。👏🍴洋蔥湯，溫度恰好清甜可口，中間是洋蔥炸成脆餅增強洋蔥香氣。👍🍴焗虎蝦意粉 $360外觀非常華麗奪目，大大隻虎蝦型態多美，捨不得都要先嚐隻虎蝦，炸得香口惹味肉質彈牙鮮甜，再到品嚐意粉，軟硬適中咬落有糯香，配上濃蕃茄汁口感極住。👍用上木柵拱型大窗配搭白屋富有歐陸風情，夜幕低垂華燈初上，一遍柔柔草地與湖水映照成趣。期待下次再臨

我同老婆諗住父親節，同四大長老來郊外舒舒服服食個lunch，點知六個人每位$300，食物質素同服務同茶餐廳冇乜分別。雖然有透明版格住，餐廳堅持要我哋分兩張枱，雙方父母四個人一張，我同老婆一張，疫情關係，都算啦。1. 上頭盤嘅時候，侍應就將啲沙律擺晒喺枱度，問都唔問邊個嗌咗邊個。2. 頭盤食咗兩啖就上主菜，好似好趕時間咁樣。3. 其中五個人嘅主菜上得好快，但係最後嗰個等咗好耐先至上，其他人都差唔多食晒。4. 我哋追問完最後個主菜之後，侍應上菜態度極差，又黑面又晦氣，唔單止隻碟好冇禮貌咁擺落張枱度，連佢將主菜嘅汁倒上碟嗰陣都專登倒瀉。明明見到自己倒瀉連一句sorry都冇，服務態度極差！5. 餐廳用餐時間limit左75分鐘，比市區嘅90 分鐘仲要短，想舒舒服服坐耐啲傾吓計都唔得。6. 最離譜就係我哋食咗60分鐘，仲食緊甜品、飲緊咖啡，侍應已經自動幫你買單，有心要趕你走。仲要將張單俾咗四個老人家，完全唔識做！今日係父親節lor！7. 張單我攞左，擺埋一邊，諗住飲埋啖咖啡，等四位老人家傾多陣計先至埋，點知另外一個侍應竟然10分鐘之後再攞過張單一張新嘅單過嚟俾四位老人家去埋！根本係趕客！8. 食

🍁 ☺️成個環境美到完全不像香港🇭🇰藍天白雲 清澈的湖水 青綠的草地 微風輕輕吹過真係好難喺香港搵到有呢個環境嘅餐廳陽光照在樹上🍂樹葉就像會閃閃發光一樣有少少彷彿自己好似去咗韓國咁因為出廳旁邊仲嘅樹呢喺香港都係比較少見㗎幸福感𝕦𝕡𝕦𝕡𝕦𝕡❤️我完全想賴著這裡不走🥲這家餐廳大到好像拍不完 坐位超多 而且每個角落都好美食物又好吃 到底想迫死誰🤪我自己覺得以呢個環境來講呢食物嘅價錢定價唔算太貴而且個意粉影完相之後凍哂都一樣咁好食啲蝦亦都好彈牙個Pizza凍咗之後呢就差少少不過我相信如果熱食嘅話應該好好味😋大家去之前記得book位啊～希望大家去到都可以影到靚相留喺香港都可以扮吓去旅行～我去嗰日就係去到大埔火車站之後轉的士🚕嗰度比較偏僻啊所以其實都係的士來回📍Billow Bar Seafood Bistro 大埔大埔滘紅林路2號白鷺湖互動中心地下B號舖@billow_bar.seafood.bistro