影片
更多
2024-01-04
1086 瀏覽
真係未試過遇到服務態度咁差同安排咁差既餐廳。首先安排座位好差，我都明三位係要等耐少少因為單數好難夾。一入到去叫我地三個人平排坐六人座同另外三個人搭檯，即係叫我地三個好似相睇咁同對面三個陌生人對住食飯？😂但係最後我地自己提出L字型咁坐，自己解決返呢個問題。然後到嗌野食，我地分別嗌滑蛋蝦飯、滑蛋蝦牛肉飯同瑞士汁雞髀撈「飯」。嗰阿姐仲大聲朗讀覆返我地問其中要瑞士汁雞髀撈飯個位要少飯定正常飯。結果都係黎咗撈麵… 唔緊要見佢地咁忙，我地照食互相share下飯同麵算數。因為我地係搭檯既所以我地同另一檯係同number，係英文字母唔同咁解eg. 22A & 22B。然後有個阿伯送餐，明明我地已經話個餐唔係我地隔離檯都認咗係佢地既，嗰阿伯好似覺得我地錯咁係咁話佢淨係知嗰餐number係寫住我地檯號係我地既…最後我唔知佢係手震定點，一嘢啪一聲掟張單落檯。然後食到最後收走曬我地啲碟嗰陣，講緊25分鐘內食曬啲飯，而我仲有杯凍奶茶8成滿想飲埋佢。阿姐姐侍應就同我地講話出面好多客要我地走。Ok無問題咁我咪同佢講咁你俾嗰外賣杯我拎走飲。阿姐姐侍應話外賣杯要+2蚊🙂又係你叫我走…之後佢先話叫我慢慢飲然後隔離明明唔關
首先安排座位好差，我都明三位係要等耐少少因為單數好難夾。一入到去叫我地三個人平排坐六人座同另外三個人搭檯，即係叫我地三個好似相睇咁同對面三個陌生人對住食飯？😂但係最後我地自己提出L字型咁坐，自己解決返呢個問題。
然後到嗌野食，我地分別嗌滑蛋蝦飯、滑蛋蝦牛肉飯同瑞士汁雞髀撈「飯」。嗰阿姐仲大聲朗讀覆返我地問其中要瑞士汁雞髀撈飯個位要少飯定正常飯。結果都係黎咗撈麵… 唔緊要見佢地咁忙，我地照食互相share下飯同麵算數。
因為我地係搭檯既所以我地同另一檯係同number，係英文字母唔同咁解eg. 22A & 22B。然後有個阿伯送餐，明明我地已經話個餐唔係我地隔離檯都認咗係佢地既，嗰阿伯好似覺得我地錯咁係咁話佢淨係知嗰餐number係寫住我地檯號係我地既…最後我唔知佢係手震定點，一嘢啪一聲掟張單落檯。
然後食到最後收走曬我地啲碟嗰陣，講緊25分鐘內食曬啲飯，而我仲有杯凍奶茶8成滿想飲埋佢。阿姐姐侍應就同我地講話出面好多客要我地走。Ok無問題咁我咪同佢講咁你俾嗰外賣杯我拎走飲。阿姐姐侍應話外賣杯要+2蚊🙂又係你叫我走…之後佢先話叫我慢慢飲然後隔離明明唔關佢事既阿伯就話：「慢慢飲啦慢慢大把時間慢慢飲。」好似我飲埋我杯野飲都係錯咁？其實好聲好氣我真係無問題但係阿伯好似想撩交嗌咁。
最後人流分配問題，佢地同一間鋪頭但係有兩個門口。然後話只可以喺其中一個門口出，我地眼見有一檯客想喺另一邊近啲出話有小朋友唔想兜圈行咁遠都俾阿伯鬧。嗰客人仲話態度咁差唔會想再幫襯，之後阿伯話好啊唔好再幫襯啦。Amazing，人地只係想喺另一邊出問一問咁簡單都可以搞到咁。啲職員仲話其實我地一開始已經同所有客人講咗要喺另一邊出無論邊一邊入都好。原來食嗰飯都要好似上堂咁背規矩…
除左我地之外，其實都有見到其他唔同檯既客人都同我地一樣俾職員話。點知一睇openrice原來有咁多人都係咁…
張貼
