影片
更多
2022-12-27
609 瀏覽
openrice上寫明22:00關店，21:20 last order，仲有酒供應，但其實呢D資料全部都係唔正確。開開心心嚟食生日飯，擺低個蛋糕係雪櫃。食到20:45店員已經埋嚟話last order，20:50埋嚟催埋單，20:50開始每5-10分鐘就有個店員埋嚟收碟，前後總共有3個店員。一開始都還好，會問仲要唔要，有邊碟可以俾佢收起先。但過多一陣，個店員直頭埋嚟直接收走個碟，非常無禮。明明碟入面仲有野食，個店員都可以扮睇唔到收走，唔開聲叫停佢佢都唔睬你。隔左冇幾耐又有另一個店員埋嚟話收碟，非常滋擾。大約21:15，有個店員埋嚟大大聲問係咪要切蛋糕，真係驚個壽星聽唔到咁，唔係好恰當。大約21:20， 又有店員埋嚟收碟。即時反映佢地已經第N次埋嚟收碟，係咪真係睇唔到個碟仲有野食，佢地咁樣係極度滋擾。個店員擺出一副so what嘅表情，聲都唔聲，態度好差。即係咁，你地想21:30關店咪大大方方寫出嚟，冇必要寫22:00關店但21:00 開始瘋狂趕客走。咁差嘅服務態度，食物再好味都冇用，何況唔係話特別好食。本身book呢間餐廳純粹係因為boxing day 公眾假期book唔到其他韓國菜餐
開開心心嚟食生日飯，擺低個蛋糕係雪櫃。食到20:45店員已經埋嚟話last order，20:50埋嚟催埋單，20:50開始每5-10分鐘就有個店員埋嚟收碟，前後總共有3個店員。一開始都還好，會問仲要唔要，有邊碟可以俾佢收起先。但過多一陣，個店員直頭埋嚟直接收走個碟，非常無禮。明明碟入面仲有野食，個店員都可以扮睇唔到收走，唔開聲叫停佢佢都唔睬你。隔左冇幾耐又有另一個店員埋嚟話收碟，非常滋擾。
大約21:15，有個店員埋嚟大大聲問係咪要切蛋糕，真係驚個壽星聽唔到咁，唔係好恰當。
大約21:20， 又有店員埋嚟收碟。即時反映佢地已經第N次埋嚟收碟，係咪真係睇唔到個碟仲有野食，佢地咁樣係極度滋擾。個店員擺出一副so what嘅表情，聲都唔聲，態度好差。
即係咁，你地想21:30關店咪大大方方寫出嚟，冇必要寫22:00關店但21:00 開始瘋狂趕客走。咁差嘅服務態度，食物再好味都冇用，何況唔係話特別好食。本身book呢間餐廳純粹係因為boxing day 公眾假期book唔到其他韓國菜餐廳，就試下呢間。
除卻21:00後趕客嘅行為，呢間餐廳性價比唔差。只可惜最尾趕客嘅行徑令人感到非常不愉快，一定唔會再光顧。
張貼