德馨苑海鮮酒家 (已結業)

難得媽咪同細佬都係屋企，媽咪提議去飲茶。入到去冇人帶位要自己揾位，我地揾左好耐都揾唔到細枱。冇辦法唯有坐大枱。可能係平日所以冇乜客，啲大枱根本冇人坐。坐左5分鐘都冇人理我地。隔離嗰枱先啱啱起身，個阿嬸就好冇禮貌咁問我地幾多位。我地同佢講3位。佢就要我地坐過隔離張枱。話我地3個人唔好覇大枱。態度真係好差。鋪完枱布又唔擺位。啲餐具就咁擺曬係度唔理。野食份量又細左超多，但價錢又貴左。上菜又上錯。明明叫嘅係唐生菜但上通菜俾我。附近有枱客要埋單，服務員連佢地張單都整唔見，到我地走都仲未處理好。要收加一服務費但就連基本嘅服務都冇。食客要自己攞茶壺去加水。以後都唔再去呢間食，寧願去遠飲茶。