德興火鍋．海景軒 (已結業)

今晚我和家人(五大人, 一BB), 突然想去食火鍋, 又因為玩具反斗城剛剛在MEGA BOX新開幕, 所以去睇完玩具, 再去試試呢間火鍋, 點知真係令我有三大驚喜, (真係好似出奇蛋咁), 當時我和家人大約7:00PM入坐, 當時只有大約六七張抬有人, 第一次落ORDER叫了D食物, 等左成二十分鐘先到, 湯底嚟左都無野落去烹, 點左三碟肥牛肉(只來得一碟), 再等~~再等, 都依然未來, 問個女侍應(阿姐), 點解等左咁久都還未來另外兩碟, 點知個(阿姐)同我講你點多幾次應該會好D, 可能多客廚房做唔惦, 當時我有點O咀, 因為場內最多有十抬客, 何來咁難出食物, 我再追問, 點知個(阿姐)同我講呢句說話令我好驚喜, (阿姐) : 咁你地有無來過呀, 如果嚟左一碟, 咁咪得囉! 嘩~~什麼態度, 點知全日落左五次肥牛肉ORDER都係只來兩碟, 第二個驚喜, 越食越流汗, 根本冷氣不足, 點知我想問下個經理之餘, 點知已經聽見隔離抬問個經理可唔可以開大D個冷氣, 點知又有驚喜, (經理) : 本店因環保理由要節省電源, 聽到都覺得好笑. 第三個驚喜, 食食下突然關掉了部份燈光, 好似