Diff. Cafe (已結業)

一向鐘意幫襯小店，今晚趕住睇戲，見店內冇人，18：45就啦啦聲入去食小小野就走人。一入門口要掃『出行』已成了習慣，但我地望來望去揾唔到QR code，個店員唔出聲，只係指一指大門下角位置就算，我地要彎底身掃個QR code, 點知掃極都掃唔到，我地就坐底填紙仔。叫完餐想做少少野先，拎部notebook出嚟，問佢有冇wifi, 佢只係比左張人地嘅單我，咩都冇講，原來wifi password, 係張單底部，我忍妳，只係想快快手手食完即走。講番食物方面，見到個Dinner menu 其實一D 都唔貴，晚餐有湯送，而且又唔加一，晚餐真係算低食架。我地叫左兩個意粉及一杯Cappuccino。1.煙肉牛油果意粉，不過不失2.帶子明太子意粉，味道剛好，帶子就細粒左少少，不過好多明太子。3.Cappuccino 一般啦，如果佢專門就coffee shop, 咁杯咖啡就失敗左少少，唔均勻。總結：逗留時間35分鐘，食物OK, 環境一般，小店預左迫，服務態度差到一個點，唔會再幫襯。