隆姐泰國美食館 (已搬遷) 新店位置

一行五人，俾左張細枱我地，坐到迫到出哂黎。D姐姐服務好似真係黑口黑面。叫野食，有 咖哩蟹、柚子沙律、生蝦刺身、炒通菜、鹹水魚、豬頸肉、蝦餅、生菜包、沙冰。咖哩蟹：好大隻，蒜既甜味居多，勝在大隻。柚子沙律：聽人話必食，係幾清新，不過柚子肉好苦。生蝦刺身：應該整定的，因為佢用個透明膠盒裝住，個汁綠色好夠辣，蝦好新鮮，推介。炒通菜：鑊氣唔夠，小辣，我覺個麻麻地。鹹水魚：腥味重，不過點左個辣汁都可以接受，完全係新鮮魚，還可以。豬頸肉：我覺得個咬口一流，不過個汁同平時果D唔同，甜的。蝦餅：好彈牙，不過要好快食哂，凍左麻麻地。生菜包：肉碎時酸的，不太岩我，好難入口。冬陰功：好飲過泰國，講完！Mango 沙冰：好好味，超級好飲。大致來睇，服務雖然麻麻，不過某D野食有進步空間。PS:本身個餐包糖水，但點知原來係人地都可以免費叫既涼粉，大家點既時候留意下。