School Food (已結業)

今日大約兩點同朋友行太古城，見schoolfood唔洗等位就入去食晏啦。我地食過好多次，但第一次黎呢間分店。我見lunch set幾抵，叫左廚師卡邦尼年糕+小食泡菜凍豆腐+果茶+甜品。由於朋友已食厭卡邦尼年糕，所以諗住試下新野黑松露年糕，點知waiter話賣晒，最後叫左另一個牛肉炒烏冬set+小食煎餃。首先黎左小食同炒烏冬，小食味道還好，炒烏冬略為普通。再過十五分鐘，眼見朋友就黎食完碟烏冬，但我嘅年糕同兩杯果茶都未到，催左次再等多陣先黎到。當時餐廳唔算多人，煮年糕可能需時，但起碼可以先上果茶吧。卡邦尼年糕味道保持一貫水準，但有啲膩，好快食濟。重點係個甜品荔枝啫喱，賣相差，溶溶爛爛，側邊擺左粒青檸，狀甚求其，食落太甜太爛(抱歉冇圖，原本冇諗住寫食評，但對今餐飯有小失望所以喺度發表下)。最後埋單，個waitress好似轉個頭又唔記得，搞其他野搞左好耐都唔收錢，要再叫另一waiter埋單。總結食物質素還好，但對甜品非常失望，亦試唔到新菜式；服務效率比起我經常去的銅鑼灣/ 又一城低。