Goobne Chicken (已結業)

上次想幫襯呢間店，點知門口個韓女話要等位，我問等幾耐，佢示意望下全店都坐滿，跟住同我講，應該會好耐。。。暗示我唔駛等，然後我問外賣要等幾耐，佢話要超過1個鐘。我跟住調頭就走咗。心裡已爆粗小咗佢同佢間店。點解佢咁無禮貌，又趕客，學乜X人做食店？ 今晚有機會排到入去食，但坐低5分鐘都無人埋黎畀menu，咪自己去攞。。。點知落咗單後，有两枱較我遲坐低都上咗食物，我問個女侍應點解，佢走來走去，但無答我。我然後又問另外一個侍應，佢又去check，最後只講，老细去check。。。但最後亦無交待清楚! 咁樣既服務，莫講話D雞無乜特別，一味重酱汁，就算好好食，都一定唔會再有第二次。我想提醒呢D開食店既人，除食品質素緊要，服務是同樣重要。如果唔係，包你一定好快執笠!