意粉屋 (已搬遷) 新店位置

星期五晚同屋企人黎呢度食野,唔知係客人多定係什麼原因,侍應們的手腳十分慢,只係攞一杯水,好耐都無,連叫幾個侍應都係咁,結果水攞唔成,只好作罷...套餐中有個香芒什麼雞pizza,等左都幾耐下,搞到最後食晒所有野,pizza先到,大家最後只係食pizza...呢款口味的味道有少少怪,又好似甜甜地,但係又覺得有少少辣(唔係好辣,但係有一種辣的感覺),pizza中有芒果蓉,口感幾得意,食得出唔係芒果醬而係用芒果肉打成的蓉,算係唔錯!不過有少少似食緊許留山的某款甜品之感,哈哈哈!簡而言之,口味創新,值得試,但唔算好美味,所以試一次就夠喇!