影片
更多
2022-05-01
1979 瀏覽
返到屋企越諗越激氣，第一次寫食評。朋友生日，朋友介紹去咗食omakase，仲指定左師傅，話佢做得好。個師傅連埋個學徒serve七個客一坐低，聽到個師傅好大聲咁問啲同事，有冇舊蟹肉，問咗幾次，同事話唔好咁大聲講個舊字，啲客好敏感㗎。然後佢就懶幽默咁講，今日冇海膽啊....我哋都唔知比咩反應，只可以扮聽唔到食到中途，個師傅睇落搞唔掂七個客，佢話佢琴晚俾人包場飲咗好多酒好辛苦好攰，無啦啦叫咗隔離個師傅幫手serve我哋兩個....可能因為我哋唔係熟客.....食過咁多次omakase,從來未試過食食下轉師傅。嗰個師傅幫手整咗一碟野比我哋，好明顯同原本嗰個師傅，即係隔離嗰啲好唔同，碟又唔同，有冇花有冇啲假金箔跟住仲勁，個學徒會幫手搞plating，喺我哋面前整嘅，每次用完個筷子就要大力掉走，用完個海膽盒，又好大力咁掉低，好似所有嘢都欠咗佢咁，我哋傾緊計都會因為佢咁disturb而停咗.....好無奈好唔professional然後再勁啲，啲dish 整完會比個waitress遞俾我哋，個waitress 好專業咁將隻手指掂到啲食物.....茶餐廳咁。好唔衛生，佢有講sorry嘅。然後我個朋友生
朋友生日，朋友介紹去咗食omakase，仲指定左師傅，話佢做得好。
個師傅連埋個學徒serve七個客
一坐低，聽到個師傅好大聲咁問啲同事，有冇舊蟹肉，問咗幾次，同事話唔好咁大聲講個舊字，啲客好敏感㗎。然後佢就懶幽默咁講，今日冇海膽啊....
我哋都唔知比咩反應，只可以扮聽唔到
食到中途，個師傅睇落搞唔掂七個客，佢話佢琴晚俾人包場飲咗好多酒好辛苦好攰，無啦啦叫咗隔離個師傅幫手serve我哋兩個....可能因為我哋唔係熟客.....食過咁多次omakase,從來未試過食食下轉師傅。
嗰個師傅幫手整咗一碟野比我哋，好明顯同原本嗰個師傅，即係隔離嗰啲好唔同，碟又唔同，有冇花有冇啲假金箔
跟住仲勁，個學徒會幫手搞plating，喺我哋面前整嘅，每次用完個筷子就要大力掉走，用完個海膽盒，又好大力咁掉低，好似所有嘢都欠咗佢咁，我哋傾緊計都會因為佢咁disturb而停咗.....好無奈好唔professional
然後再勁啲，啲dish 整完會比個waitress遞俾我哋，個waitress 好專業咁將隻手指掂到啲食物.....茶餐廳咁。
好唔衛生，佢有講sorry嘅。
然後我個朋友生日啦，事先同左餐廳講希望準備甜品嗰陣有Happy birthday，其實都冇expect好多，但係個師傅好好，事先懶神秘咁樣問我嘅，係咪朋友生日，我諗住佢會保守秘密啦，點知係問要咩甜品嗰陣，佢同我朋友講，你唔使答㗎啦，你嗰款係特別啲㗎......
成餐飯好多瑕疵，另外要有心理準備，佢個omakase只係得刺身，一件壽司都冇，得一條手卷，啲魚係基本新鮮嘅，但係啲服務咁...太失望了，呢個experience好差。
安慰自己，可能我唔係熟客啦，又或者今日Unlucky 因為見到其他OpenRice comment都好好咁
寫呢個食評係同大家分享一下，三思先book,唔好過分吹捧。
$880per person lunch omakase
我expect 有好少少嘅服務
張貼