影片
更多
2022-09-30
350 瀏覽
📌 板神鉄板燒日本料理 (信和廣場) - 銅鑼灣告士打道255-257號信和廣場1樓103號舖🗓(30/9) 星期五 ⏰ 下午1:45左右 🌐網址: https://s.openrice.com/QrbS0QB8A00~ueeoDBA 💈特式：放假梗係食好d，見有人介紹呢間板神鉄板燒，加上而家平日下午d套餐有8折，雖然都係唔平，但一次半次食好少少啦。🥩🍔🌭🌮🥗🥯🥘🍲🍝🍣🥟🍤🍱食物：餐廳有唔同嘅set lunch，最平$580/1位，最貴就去到$3080/2位，佢用唔如等級嘅牛肉嚟分開價錢，今次就食最高級嘅A5和牛set，但我無揀有鵝肝or隻set，所以就係$1880/2位，等我同大家講下味道先......前菜/沙律 - 前菜係醃製過嘅牛蒡，幾好食又爽口；沙律就係軟芝士白飯魚沙律，味道普普通通，不過d軟芝士係幾香口。刺身3款 - 3款分別係鯛魚/吞拿魚/帶子，個鯛魚切得好細片同有少少腥；吞拿魚就切得好厚身同好鮮甜無筋；帶子得半粒厚身，但真係超甜同鮮味。南非鮑魚 - 隻鮑魚好新鮮，一直都仲郁緊，咁新鮮嘅海鮮燒出嚟就一定無乜地方可以挑剔。活龍蝦 - 呢個活龍蝦一人有半隻，都係一直新
🗓(30/9) 星期五 ⏰ 下午1:45左右
🌐網址: https://s.openrice.com/QrbS0QB8A00~ueeoDBA
💈特式：放假梗係食好d，見有人介紹呢間板神鉄板燒，加上而家平日下午d套餐有8折，雖然都係唔平，但一次半次食好少少啦。
🥩🍔🌭🌮🥗🥯🥘🍲🍝🍣🥟🍤🍱
食物：餐廳有唔同嘅set lunch，最平$580/1位，最貴就去到$3080/2位，佢用唔如等級嘅牛肉嚟分開價錢，今次就食最高級嘅A5和牛set，但我無揀有鵝肝or隻set，所以就係$1880/2位，等我同大家講下味道先......
前菜/沙律 - 前菜係醃製過嘅牛蒡，幾好食又爽口；沙律就係軟芝士白飯魚沙律，味道普普通通，不過d軟芝士係幾香口。
刺身3款 - 3款分別係鯛魚/吞拿魚/帶子，個鯛魚切得好細片同有少少腥；吞拿魚就切得好厚身同好鮮甜無筋；帶子得半粒厚身，但真係超甜同鮮味。
南非鮑魚 - 隻鮑魚好新鮮，一直都仲郁緊，咁新鮮嘅海鮮燒出嚟就一定無乜地方可以挑剔。
活龍蝦 - 呢個活龍蝦一人有半隻，都係一直新鮮生猛郁唔停，師傅用返佢d龍蝦頭膏做個汁會返落d龍蝦肉度，除左份量少唔夠喉之外都係無得頂。
本日海鮮 - 今日海鮮係咖哩煮大蝦，隻蝦好大隻，拍得住隻龍蝦咁大，但唔係新鮮生蝦，當然就會無咁鮮味，可能因為咁，所以餐廳先用咖哩去煮，等客人食落無咁大對比，但幸運嘅係佢個咖哩汁真係做得好好，味道好平衡，所以可以掩蓋左隻大蝦唔係新鮮呢個缺點。
季節野菜 - 普通燒幾條菜/蘆筍/粟米芯之類比你，無乜特別好講。
炒飯/漬物/麵豉湯 - 炒飯係用一d牛肉粒去炒，乾身唔油，都唔錯；漬物就又係牛蒡同幾片醃青瓜；麵豉湯就係用返頭先隻龍蝦個殼去煲，唔會差得去邊。
甜品 - 紅豆抺茶牛奶布甸，好食，牛奶味香，有抺茶味，又唔太甜。
☕️🍵🥤🧋🍺🍷🥃🍹🧉🍾🍶🥛
飲品 - 餐廳送左兩杯無酒精welcome drinks，飲落好清好開胃，無特別問店員係咩，但應該係梨味嘅茉莉花茶；之後仲叫左兩杯好特別嘅無酒精特飲，除左特別仲好好飲。
🍽環境：餐廳環境一定係無得頂，有d bar枱位可以望到海景，室內雖然無景睇，但裝修好靚好高級，而且私隱度高，鐵板位抽氣做得好好，室內無乜油煙味。
🤵🏻🤵🏻♀️🤵🏻♂️服務：職員服務當然係好高規格服務級數，話晒餐廳收費咁高，職員雖然未做到一對一服務，但都差唔多係咁上下。
💰💸價錢：叫左個兩人set，包埋兩杯特飲，8折後埋單$1875，呢個價錢係貴嘅，但佢食物質素好，環境又舒適，份量又足夠，所以都可以接受到，但唔係會成日食囉。
🐲💬總結：佢嘅食物做得相當出色同精緻，服務又好，價錢雖然唔平，但lunch而家有8折總比晚市抵好多，如果有節日/慶祝之類，我覺得試下都無妨。
推薦指數：❤️❤️❤️❤️🤍
張貼
