香葉灣 (太和廣場)

營業中

休息中

我同我太太點幾去食午餐，我太太先叫野食，我要睇睇食咩？準備想叫，個男見到，我問佢，呢個烏冬可唔可以轉河粉，我完全聽唔到佢講乜，蚊絲甘細聲，聽鬼到咩！講兩講，好似話唔得，佢啲語氣極度…..，了哥好似唔服務我甘，咁我轉另一樣，我就叫豉椒牛肉河粉，佢又係好細聲話講號碼，好似講左兩三次，我心諗，乜你唔識睇餐牌個號碼架？點解要個客又要講號碼？唔識得變通咩？如果好聲好氣，我都會講，但佢甘既服務，我真係好勞氣！ok，我就照講號碼，叫埋野飲，佢又好細聲問我飲咩湯？我話飲紅湯，河粉同湯就嚟左，我就食河粉先，食食吓，佢就撞我坐張櫈一野，我好想知佢係咪有心？我越食越火滾，加上叫左杯野飲重未嚟，我真係對佢嘅服務極度不滿！講真句，啲嘢又唔係話好食，重要佢甘既服務態度，我真心講句，冇下次！就算周圍冇嘢食，我都唔會再幫襯呢間垃圾！