影片
更多
2019-08-21
74 瀏覽
今日放工後黎到燒烤堂食串燒，夜晚7點鐘嚟到已經座無虛席，相當受歡迎。小店主打自家製既手工串燒，每一款食材都配有唔同既醬汁同調味，食落去一啲唔油膩，全部都燒得岩岩好，係我食過咁多間串燒店黎講既 No. 1👍🏻值得一讚嘅係，店員(定老闆？)相當有禮貌，雖然忙過不停，但前前後後講左勁多次「唔該曬」，仲好細心咁提醒我地貝殻類既殻比較熱，小心食💁🏻♀️極度推薦鵝肝多士，鵝肝肥美多汁，油脂豐腴，係口腔中慢慢融化，係幸福既味道啊😍鵝肝上有香甜嘅焦糖，加埋微酸爽口嘅青蘋果，香脆既多士，仲有內藏係多士入面既芝士，百感交集，口感同味道層次都好豐富，絕對對得住呢個價錢🤤蜜糖雞中翼真係似平時BBQ個種口感同味道，而且火候控制得恰如其分，食落去外脆內軟，肉質依然保持香嫩，蜜糖亦成功令到味道更上一層樓。鹽燒墨魚咀同樣令我眼前一亮，食落去彈牙多汁，完全唔會乾巴巴，鹽既味道岩岩好，唔會喧賓奪主，非常正！馬友啖啖肉，附有醬油同泰式辣醬，一魚兩食。泰式辣醬辣度都唔會過火，唔洗怕會太辣。西班牙黑毛豬好有火喉，非常香口，肉質香軟，幾有驚喜。黑豚肉鵪鶉蛋，非常有趣嘅配搭，食落好似平時食開既章魚小丸子咁。燒准山出奇地好食，平時我
極度推薦鵝肝多士，鵝肝肥美多汁，油脂豐腴，係口腔中慢慢融化，係幸福既味道啊😍鵝肝上有香甜嘅焦糖，加埋微酸爽口嘅青蘋果，香脆既多士，仲有內藏係多士入面既芝士，百感交集，口感同味道層次都好豐富，絕對對得住呢個價錢🤤
蜜糖雞中翼真係似平時BBQ個種口感同味道，而且火候控制得恰如其分，食落去外脆內軟，肉質依然保持香嫩，蜜糖亦成功令到味道更上一層樓。
鹽燒墨魚咀同樣令我眼前一亮，食落去彈牙多汁，完全唔會乾巴巴，鹽既味道岩岩好，唔會喧賓奪主，非常正！
馬友啖啖肉，附有醬油同泰式辣醬，一魚兩食。泰式辣醬辣度都唔會過火，唔洗怕會太辣。
西班牙黑毛豬好有火喉，非常香口，肉質香軟，幾有驚喜。
黑豚肉鵪鶉蛋，非常有趣嘅配搭，食落好似平時食開既章魚小丸子咁。
燒准山出奇地好食，平時我係唔食淮山嘅，點知今日咬一口就愛上左呢款食物。准生爽口，咬落去好似馬蹄咁，加埋蜜糖真係無得輸。而蒜蓉雜菇既蒜蓉份量慷慨，菇類煮得軟稔。
蒜蓉元貝即叫即製，有大量蒜蓉同粉絲，元貝香軟，份量十足，令人回味無窮。
豚肉露筍卷咬落爽口，不過我自己本身對露筍就無乜太大興趣。
平時食串燒，最怕就係款款都係落同一樣嘅調味料，全部肉都一樣味，食唔出邊款打邊款。但係呢間串燒店完全冇呢個情況，每款都經過精心嘅調味同配搭唔同嘅配料，定價雖然唔算平，但質素絕對值回票價👅
張貼
