影片
更多
2022-09-17
252 瀏覽
今日同閨蜜行朗豪坊，就順便食埋晏，我哋俾呢間髮型屋連餐廳集於一身既THE PONT吸引咗入去，淨係個門面已經攞咗好多分，牆上掛滿植物裝飾，成個秘密花園咁。入面環境寬敞，空間感十足，裝修舒服又靚，仲有打卡位，同三五知己嚟傾吓密偈都好適合。呢度手機QR code自助落單，亦有實體餐牌俾你睇，午市menu一啲都唔貴。呢度點餐靈活度好高，沙律、餐湯、雪糕全部加$9，可以視乎自己需要決定加減，我就當然唔執輸叫齊咁多款啦。沙律配日式胡麻醬，菜都幾新鮮，我尤其鍾意佢係用上baby spinach，係我最鍾意嘅沙律菜。是日餐湯係甘筍湯，甘荀味唔算濃，但質地好濃滑，亦帶有淡淡的香味。香蒜煙肉西蘭花水管粉入面有蒜粒、煙肉粒、蕃茄仔同西蘭花，上面再灑上芝士，調味剛剛好，水管粉同西蘭花軟硬度都適中。香辣青口蜆肉有機糙米飯材料有青口、蜆肉、蕃茄仔同泰國圓茄子，再配有機糙米，用泰式煮法，味道帶酸辣，米飯煙韌口感好，材料都新鮮，酸度減返少少會更好味。難得搵到一間咁靚嘅打卡Cafe，當然要慢慢坐下，所以之後我哋仲叫咗甜品，意大利芝士牛角窩夫配雲呢拿雪糕非常出色，上層個cream濃厚又滑，就算放耐咗都仲保持原有口感。牛
入面環境寬敞，空間感十足，裝修舒服又靚，仲有打卡位，同三五知己嚟傾吓密偈都好適合。
呢度手機QR code自助落單，亦有實體餐牌俾你睇，午市menu一啲都唔貴。
呢度點餐靈活度好高，沙律、餐湯、雪糕全部加$9，可以視乎自己需要決定加減，我就當然唔執輸叫齊咁多款啦。沙律配日式胡麻醬，菜都幾新鮮，我尤其鍾意佢係用上baby spinach，係我最鍾意嘅沙律菜。
是日餐湯係甘筍湯，甘荀味唔算濃，但質地好濃滑，亦帶有淡淡的香味。
香蒜煙肉西蘭花水管粉入面有蒜粒、煙肉粒、蕃茄仔同西蘭花，上面再灑上芝士，調味剛剛好，水管粉同西蘭花軟硬度都適中。
香蒜煙肉西蘭花水管粉
$72
8 瀏覽
0 讚好
0 留言
難得搵到一間咁靚嘅打卡Cafe，當然要慢慢坐下，所以之後我哋仲叫咗甜品，意大利芝士牛角窩夫配雲呢拿雪糕非常出色，上層個cream濃厚又滑，就算放耐咗都仲保持原有口感。牛角窩夫本身配一球雲尼拿雪糕，雲尼拿味似雪糕車嘅軟雪糕味道，奶味香濃。
意大利芝士牛角窩夫配雲呢拿雪糕
$68
5 瀏覽
0 讚好
0 留言
椰子雪糕就啖啖充滿椰香，配埋上面嘅士多啤梨乾就更好味。
跟餐已經係特飲，所以我哋都冇特別加錢。熱香橙檸檬伯爵茶可以選擇少甜，熱飲飲完幾舒服，檸檬同伯爵茶仲可以去油膩。
凍香茅檸檬特飲係一杯檸檬梳打，香茅味就唔算太重，上面就配咗一片乾檸檬，仲可以要求走冰，變成一杯室溫飲品，味道都唔錯幾清新。
呢度無論裝修、地點、食物、價錢同服務都相當高分，絕對係一個滿分嘅用餐體驗。
張貼
