祥仔辣辣 (海運大廈) (已結業)

係海港城行完街，心血來潮想食烤魚，就黎左依間位於LCX 3樓既祥仔辣辣喇！餐廳既環境十分舒適，座位寬敞，仲有落地大玻璃可以觀賞維港既風景！一坐低店員都好熱心咁介紹餐牌上既菜式比我地聽，非常熱情呢！首先上菜既係一個名為九宮格既前菜小食拼盤，中間仲擺放左乾冰，打卡效果一流呢！而食物水準亦令人驚喜，每一道既調味都恰到好處，令人開胃，好少食到咁驚喜既前菜呢！然後就到主角烤魚喇！我地叫左金菠蘿酸辣同魔鬼地獄兩種口味！魔鬼地獄個名真係無改錯，放左超多辣椒，而且隨住時間煮沸得越耐辣味會更加增強，鍾意食辣既朋友絕對唔可以錯過！而另一個金菠蘿酸辣對比上就溫和得多，菠蘿帶出既甜味亦好足夠～魚我地揀左海鱸魚，魚肉非常嫩滑，食得出非常新鮮，魚骨亦好易挑走，每一口都可以大大啖肉，非常滿足另外仲叫左個雪花肥牛卷，牛肉口感不錯，肉質嫩滑多汁放落魔鬼地獄湯底索晒Ｄ湯汁更加惹味呢！食辣野當然要配冰凍既飲味解一解辣啦！！而餐廳提供既特飲係超級大杯，足足有1.3L！！我地分別叫左菠蘿ME 同 藕遇熱情鳳梨。兩杯都好好飲好清爽甜度適中，飲得出本身既水果味道雖然已經食到好飽，但甜品係唔可以少既ＸＤ我地叫左個咕嚕咕嚕圍爐肆甜，有