百合園林海景燒烤場

營業中

休息中

朋友提議天氣秋涼燒烤最正 但一班女仔 唔想準備咁多野去郊野公園 自助燒烤場又嫌悶 經過一輪網上搜索 決定去西貢百合園林海景。黃昏時間到 剛剛睇到日落和有一大片海景 心情好舒暢。每一組客人有自己一個雪櫃 入面已經有曬六人份量的食物 有部分都是一串串準備好曬 好方便。食物睇得出幾有心思 老闆話肉類是佢地自己醃的 唔會太咸 冇味精 對於味道敏感的我 真的好高興。鴨胸 煙肉車厘茄串 牛柳粒 雞翼 豆卜 丸類 漢堡扒茄子南瓜翠玉瓜 好多蔬菜 女仔特別鐘意。仲有一人一隻大海蝦。老闆之後攞了一盆被鹽焗住的東西俾我地 原來係鹽焗烏頭 鐘意食魚的朋友即刻好驚喜。哈哈。坐了一晚 傾下計 燒下野食 一大樂事。