影片
更多
2018-12-16
97 瀏覽
同朋友叫咗一個飯一個麵，淨係蓋飯先可以有390G，麵食最多只可以190G，因為啲肉都打算share食，就叫咗最大390G飯同中間130G嘅忌廉芥末拌麵，志在拎座牛肉山嚟打卡嘛😛其實本身係抱住試過就算嘅心態，對味道完全冇期待，但咁樣食落反而有驚喜，佢用啲牛唔算話係好靚，但都叫做有啲牛味，而肉身似用慢煮機煮出嚟嗰種粉嫩肉色，而且切得夠晒薄，食落都唔會覺得韌，雖然啲牛肉唔熱，不過都可接受，熱咗反而會驚佢會變韌囉😌至於麵同飯相比，明顯係個拌麵出色好多，先唔講個忌廉芥末汁為啲牛提味有幾正，淨係個麵身彈牙得嚟又夠軟腍而且好掛汁，響冇期望之下食得超滿足，反之個飯只用係普通米又唔熱咁唔知想點，呢間野係心目中高分咗好多嘅原因，拌麵絕對係有佢一定嘅功勞✨另外佢仲有炸蒜粉任落，加埋落啲牛肉片度食更加有層次，其實佢仲有山葵醬，不過費事影響個汁就冇落到，下次再試下先😂
其實本身係抱住試過就算嘅心態，對味道完全冇期待，但咁樣食落反而有驚喜，佢用啲牛唔算話係好靚，但都叫做有啲牛味，而肉身似用慢煮機煮出嚟嗰種粉嫩肉色，而且切得夠晒薄，食落都唔會覺得韌，雖然啲牛肉唔熱，不過都可接受，熱咗反而會驚佢會變韌囉😌
至於麵同飯相比，明顯係個拌麵出色好多，先唔講個忌廉芥末汁為啲牛提味有幾正，淨係個麵身彈牙得嚟又夠軟腍而且好掛汁，響冇期望之下食得超滿足，反之個飯只用係普通米又唔熱咁唔知想點，呢間野係心目中高分咗好多嘅原因，拌麵絕對係有佢一定嘅功勞✨
另外佢仲有炸蒜粉任落，加埋落啲牛肉片度食更加有層次，其實佢仲有山葵醬，不過費事影響個汁就冇落到，下次再試下先😂
張貼
