樂天皇朝 (已結業)

難得朋友約我食飯，一於搵間坐得舒服而有特色的餐廳。這間一直想來吃的，因為見到有特別版的小籠包而顏色又好吸引。首先坐低就有碟小食是醬汁花生同栗子。金草麥芽山楂茶，這杯口感清新香甜，飲落很潤喉好醒胃。松子鮮果桂魚原條桂魚好吸睛，師傅刀功一流整條魚介花後落鑊炸，配上松子同水果醬汁伴上，味道惹味肉質鮮嫰。肉碎欖菜乾煸四季豆，欖菜乾加肉碎炒四季豆真的絕配，味道濃郁要來配白飯一流。特色皇朝小籠包，主角出場八隻顏色八種口味。一人一粒順住吃，好像玩遊戲好搞笑。宮廷驢打滾，這款甜品係我至愛因為軟軟糯米加上紅豆蓉好好吃，質感煙煙韌韌不太甜。