朝

營業中

休息中

位於太子大南街嘅呢間居酒屋以月亮為主題，暗黑風嘅裝潢很有型！食物精緻又有創意嘅酒類飲品，適合與朋友小酌怡情。𖦹 豚肉荔枝卷 $48拎荔枝嚟做串燒實在聞所未聞，薄薄嘅豚肉住原粒荔枝肉，外層焦香內裡果汁爆發，又鹹又甜，清新！𖦹 薄牛豆腐壽喜燒 $158 有牛肉、豆腐、油揚、娃娃菜、冬菇、金菇同埋蛋，非常足料；壽喜燒湯底清甜，為秋涼嘅天氣增添一分暖意。𖦹 朝邪惡玉子燒 $98嫩滑嘅玉子燒蛋香十足，入面加咗芝士，有得拉絲！芝士嘅鹹香平衡返玉子燒嘅甜味，不過對我嚟講都仲係甜咗啲。𖦹 清酒煮蜆 $78閨蜜嘅pick of the day！淡淡嘅清酒香配上大隻鮮甜嘅蜆，正！𖦹 燒蜜糖雞翼 $38香脆嘅雞翼表面搽滿甜甜嘅蜜糖，我自細鐘意食～𖦹 烤雞軟骨 $30雞軟骨有咬口，加上香料作點綴就更為香口。𖦹 燒芝士年糕 $58芝士年糕外層微焦，咬落去係爆餡芝士，口感煙韌，芝士同年糕無可否認係one of the best combos。𖦹 瀧五郎啜啜啫喱柚子酒 $218 去居酒屋又點少得酒呢。呢隻酒容易入口，酒味唔突出，比較似飲緊果汁，酸甜帶柚子清香，最有趣嘅係啲酒會呈半啫喱狀態，可以啜嚟食xd。