Tokyo Milk Cheese Factory (已結業)

知道由2017年12月開始， 「Tokyo Milk Cheese Factory」便推出了新甜品—Cow Cow Ice北海道牛奶芝士軟雪糕， 之前食過佢地推出嘅芝士餅同芝士蛋糕， 覺得幾「芝」味， 所以今次都想試下佢地嘅新產品。😏 想食，記得要留意店舖營業時間， 因為小編之前試過摸過幾次門釘， 由於銅鑼灣店營業時間雖至21:30， 但20:00雪糕就已經停售或賣光， 所以想食要早d去喔！🙈 軟雪糕🍦有幾款可以揀， 就係單一牛奶或芝士，或兩溝，😂 第一次食當然要試晒兩種口味啦～ 仲可以揀杯裝或筒裝， 不過小編對筒裝無咩興趣， 所以就揀左杯裝—北海道牛奶芝士二重奏（$48）啦。 雖軟雪糕標榜以北海道十勝牛奶、高達芝士和忌廉芝士調製而成， 雪糕入口軟滑即溶， 但牛奶味太重，「芝」味卻不夠突出， 最好吃的是插在雪糕上嘅芝士夾心餅😂🙊。