達人包車 (已結業)

餐廳裝修帶工業味道，檯凳以木為主，感覺舒適！上次聚會已聽聞朋友大讚宜間餐廳食物有水準，今晚終於可以親嚐了！芝士炸雞上層撒滿香濃既芝士粉，炸雞脆卜卜，即使經過油炸入口都唔會油淋淋！而且，仲保持到肉汁，鮮嫩juicy!天氣凍，食部隊鍋就最岩！唔單只個鍋夠大，仲好多料！有齊餃子、腸保、餐肉、豆腐、拉麵...睇落去成鍋湯一片紅海好似好辣咁，但其實味道只係小辣，唔會好chur喉，即使怕辣既朋友都可以吃到的！滾左十分鐘度湯底變得燶傑，一啖湯一啖拉麵就最好食喇！拉麵口感彈牙，好正！但都不及厚切午餐肉好味唷！