名代宇奈備長炭燒鰻魚飯專門店 (iSQUARE國際廣場) (已結業)

鰻魚一向係本人至愛，但礙於坊間好多鰻魚質素都參差，所以唔常係普通日本餐廳食鰻魚飯。難得知道有間鰻魚專門店會由日本過黎香港，一早就好期待。但講左好耐都未係香港開舖，於是去日本時順便試埋。老實講日本店本身味道都係普普通通，所以我expect黎到香港都係差唔多，或者平凡質素先可以做到大眾化普及。終於12月香港開左舖，去食左個雙層鰻魚丼，排隊同等上菜呢d需時長好正常，話曬人地新開張又要即嗌即燒，又冇加一，仲想要求d乜？食落去除左有少量骨比較煩之外，份量同味道都好足夠，個汁亦幾惹味。平心而論呢度唔係鰻魚放題或者鰻魚buffet，d人會想食到飽一飽究竟係乜野心態？！另外叫多個天婦羅，口感都ok，作為伴菜唔錯。總括成餐唔太似出面d人講到咁衰喎，同日本店唔差得遠，但如果能夠開多d舖，變得common d，得閒行過入去食既機會應該更加高。