影片
更多
2018-06-18
677 瀏覽
哩間牛肉麵店雖然好細間，但成日經過都見到好多人食，心諗應該唔差啦！最近佢係同一條街換左大鋪，見有位就入去試下。雖然新鋪啱開冇耐，但環境都唔算太新淨，衛生情況仲有啲惡劣添。台面有油，卡位啲凳有食物碎屑。同埋卡位其實好逼，坐得唔舒服。不過佢小本經營，就唔好太著重環境同衛生情況啦，如果野食係真係正宗、好食，就足夠了！明明入去之前我仲同自己講要叫牛腱粗麵，點知，落order果陣唔知做咩就叫左牛腱拉麵。我想試哩間鋪頭既最主要原因係佢啲麵條係人手製既，粗麵既話會彈牙、有口感啲，仲可以試到拉麵師傅既真章，好後悔呀！雖然果段時間冇咩客人，但都等左八至十分鐘，可能真係即叫即整掛？牛腱拉麵有五塊薄切牛腱、兩條油菜同拉麵。湯底方面，碗麵上到黎，就聞到一陣正宗蘭州拉麵既香味，唔知係咪湯底傳黎嫁呢。好明顯見到湯面浮住啲白色既物體同小小油脂，我估係脂肪，湯底可能真係用骨熬出黎，我冇試飲，所以唔太清楚。有冇落味精我覺得應該冇既，因為我食完之後係冇口乾、想飲水既感覺。拉麵方面，食落好順口，冇咩鹼水味，但唔係我中意果種麵質。拉麵較幼細，煮得太耐食落軟淋、冇咩口感。睇食評，好多人都話麵底好多，會食唔曬，點知拉麵份量好少，
最近佢係同一條街換左大鋪，見有位就入去試下。
雖然新鋪啱開冇耐，但環境都唔算太新淨，衛生情況仲有啲惡劣添。台面有油，卡位啲凳有食物碎屑。同埋卡位其實好逼，坐得唔舒服。
不過佢小本經營，就唔好太著重環境同衛生情況啦，如果野食係真係正宗、好食，就足夠了！
明明入去之前我仲同自己講要叫牛腱粗麵，點知，落order果陣唔知做咩就叫左牛腱拉麵。我想試哩間鋪頭既最主要原因係佢啲麵條係人手製既，粗麵既話會彈牙、有口感啲，仲可以試到拉麵師傅既真章，好後悔呀！
雖然果段時間冇咩客人，但都等左八至十分鐘，可能真係即叫即整掛？
牛腱拉麵
$38
18 瀏覽
0 讚好
0 留言
牛腱拉麵有五塊薄切牛腱、兩條油菜同拉麵。
湯底方面，碗麵上到黎，就聞到一陣正宗蘭州拉麵既香味，唔知係咪湯底傳黎嫁呢。
好明顯見到湯面浮住啲白色既物體同小小油脂，我估係脂肪，湯底可能真係用骨熬出黎，我冇試飲，所以唔太清楚。有冇落味精我覺得應該冇既，因為我食完之後係冇口乾、想飲水既感覺。
拉麵方面，食落好順口，冇咩鹼水味，但唔係我中意果種麵質。拉麵較幼細，煮得太耐食落軟淋、冇咩口感。
睇食評，好多人都話麵底好多，會食唔曬，點知拉麵份量好少，我估100g－150g左右，五啖以內就食完，係唔飽既！
圖中夾起既份量已經係一大半了雖然係免費加底，但要係落單果陣講先得，我發覺唔夠飽果陣已經太遲牛腱方面，唔好以為有五塊好似好多咁，因為佢切得薄加上煮得超軟，唔洗點咬肉就溶化左，食完好似無食過咁。
雖然牛味都幾重，但肉質唔夠硬實，唔係我杯茶。
唔知係咪我期望過高，定係粗麵會好食啲，食完既諗法係：一碗不過不失既牛腱麵，唔夠飽、唔滿足、冇驚喜、唔洗再試‥‥
唯一可取之處係冇味精
張貼
