疍家佬蒸氣石鍋專家 (已結業)

上網睇到有人介紹就即興去試下，睇返原來係新開。當日星期日，去到得兩三枱客，可能太晏或者太凍掛。一坐底就叫咗個白松露粥底，冇set只有散叫，所以嘢食叫得唔多，因為知道個粥會好飽。叫咗個黑松露帶子餃，皮有小小厚，黑松露味略淡。仲叫咗扇貝，幾大隻，但我食嗰隻有沙，好彩唔多，味道幾香蒜蓉味，不過就完全冇網上寫到話咩啲嘢食會被蒸到有松露味咁誇張，事關個粥嘅松露味係自己後加。感覺好似俾人fake咗咁個粥係用豬肉呀搖柱呀嗰啲普通配料煲成，但煲出嚟比想像中稀，店員會另外再俾一小碟松露醬我哋自己加落去，但加咗落去之後其實都食唔到啲咩松露味，最後唯有當粥咁食，事後諗返應該要問下啲醬有冇得refill。總括嚟講，冇回頭，但service幾好，可能因為冇乜客掛。順帶一提，你一坐底佢就會幫你倒豉油，然後枱隔離有啲蔥呀辣椒粒呀俾你加落去，不過其實都冇乜點過，枱面又會有碟小食歡迎你，但後未發現要收錢，乜唔係應該我話要先落單架咩，點解好似有啲間硬嚟嘅感覺btw 九半前落單有九折