Cafe Paradise (已結業)

見到評價唔錯，除左太子總店喺長沙灣仲開埋分店，於是去試下，嗌左一份Paradise Energy同一杯Rose Latte。Latte都算ok，有rose syrup嘅甜香味，咖啡都夠熱，但係份All Day就爭滴誠意。首先係果吐司，滴草莓醬（似汁多滴）裝係個奶壺度，俾左把牛油刀都唔知點潷啲汁出黎，整整下搞到滿手都係。第二係果炒蛋，都算係滑嘅，但係原本應該有嘅蛋？奶？香味反而被一陣油味代替，令人失望。仲有兩大舊薯餅，都唔俾定番茄汁，重要人哋出聲，sigh。最後係肉，一係就vegetarian餐乜肉都無，一係就energy餐，俾多五件肉（三件肉片一件漢堡肉一條腸），都淨係差10蚊，咁梗係揀energy覺得抵滴阿嘛，但係咁多肉都真係會食到嘔⋯⋯總括黎講，呢度份量就OK抵食，不過就唔係好啱我，都算少少伏黎嘅。