金鶴拉麵 (荷李活道) (已結業)

收工在中環，靈機一觸想食拉麵，就嚟到呢度試下～無揀到吧台位置因為想坐得舒服啲，意外係呢度除左拉麵之外仲有鰻魚飯同串燒食，有別一般拉麵店👍🏻店員落力介紹期間限定嘅「鯛魚雞白湯拉麵」，當然要趁機一試啦！同雞白湯拉麵不同嘅係除左一大片黑豚叉燒、仲有多塊火炙鯛魚，溏心蛋、筍乾、木耳絲、蔥絲，材料豐富。湯底綿滑濃香，鯛魚更添箇中鮮味，沒有一點油膩感，卻有多一重香味～鯛魚滑嫩，麵質夠爽，叉燒亦恰到好處另外我地亦叫左北海道極濃蟹湯拉麵，碗面一大堆蟹肉真材實料呀！蟹肉食得出係好新鮮鮮甜，帶點海水嘅鹹味，大啖大啖蟹肉放入口，好滿足呀！最後餃子都不負所望，好多餡亦煎得香口，皮薄餡靚，值得一試！