八寸酒食 串燒 私房料理 (已結業)

如果你去到銅鑼灣又想俾多少少錢食好啲的話呢，我誠意推薦你一間日本料理 - 八寸酒食相信大家睇好多食評一邊都睇到大家推薦一個海膽帶子漢堡，這個是必然的，因為從賣相，滿足，味道和新鮮度來說這個都是必吃的。所以今次我就不用多提了！今次我主要想推薦比大家嘅係兩種食物，第一種就係秋刀魚刺身。秋刀魚一般俾人嘅感覺都係用燒嚟食，又或者有好多人會抗拒佢有一啲碎骨。但係其實靚嘅秋刀魚最好係用刺身嘅方式去品嚐，口感比較鮮嫩，而且你會在你的鼻腔中品嚐到淡淡的油脂香，又不用擔心裏邊會有碎骨。切功一點考功夫，但這裏做得非常好。但秋刀魚刺身屬於時令食物，如果大家想食的話建議先打電話去問，因為天氣開始凍未必經常會有。第二種推介的是柚子檸檬清酒，因為今次同行的女性居多，這款果味清酒非常適合大家飲。一般我們在坊間飲到的柚子檸檬酒都是偏向甜的，飲落去有一點假，但這款清酒是我學過最好的，因為足夠的酸味，酒味不濃不淡，一定要配合冰塊飲用，一流！柚子清酒配合新鮮的刺身，有中和的作用，絶妙的組合！除此之外我地仲叫左九格前菜 （有魷魚鮑魚等等）， 仲有刺身拼盤，幾串串燒咁，價錢不便宜，但本人認為係值得的！