影片
更多
2024-05-10
339 瀏覽
平時返工都會經過呢間拉麵店—GOGYO五行，同事食過評價都係一致好評，所以一早已經心思思想試，見到呢排有期間限定嘅龍蝦沾麵，大大條龍蝦尾配沾麵，忍唔住喇，即刻約埋朋友一齊嚟食！😆店舖裝潢揉合傳統日式居酒屋和現代西式酒吧元素，燈光柔和昏暗，高雅中帶有日本侘寂美學☺️濃厚龍蝦沾麵 $238原條龍蝦尾嘅沾麵都係第一次食☺️ 龍蝦尾長時間低溫慢煮，肉質細嫩彈牙😋湯底方面集合海老嘅鮮甜同豚骨嘅香醇，每一條麵條都掛滿濃厚嘅湯汁，一啖接一啖停唔到口🥰 另外可以加入海老味噌，令湯底味道層次更加豐富👍🏻 沾麵配料方面，叉燒同半熟玉子當然唔少得，另外仲有紫甘藍泡菜、芝士脆片、水菜同巴馬臣芝士，種類相當多元化😆完全食晒沾麵，仲可以將剩餘嘅湯底用黎撈芫茜飯，好似食緊龍蝦risotto 咁😆 多重口感享受，大滿足❤️黃金赤海老 $128酸酸甜甜，好開胃嘅調味，鮮甜嘅赤海老刺身配上大大粒咸香嘅魚子，口感同味道層次都好豐富👍🏻手羽塩 $32燒得相當出色，雞肉好嫩滑多汁，大推！👍🏻塩燒五花腩 $35肥瘦相間嘅五花腩，調味恰當好處，而且燒嘅火候控制得剛剛好，充滿油脂香☺️整體食物質素同店舖環境都係中上質素，除咗拉麵之外，串燒
店舖裝潢揉合傳統日式居酒屋和現代西式酒吧元素，燈光柔和昏暗，高雅中帶有日本侘寂美學☺️
濃厚龍蝦沾麵 $238
原條龍蝦尾嘅沾麵都係第一次食☺️ 龍蝦尾長時間低溫慢煮，肉質細嫩彈牙😋湯底方面集合海老嘅鮮甜同豚骨嘅香醇，每一條麵條都掛滿濃厚嘅湯汁，一啖接一啖停唔到口🥰 另外可以加入海老味噌，令湯底味道層次更加豐富👍🏻 沾麵配料方面，叉燒同半熟玉子當然唔少得，另外仲有紫甘藍泡菜、芝士脆片、水菜同巴馬臣芝士，種類相當多元化😆完全食晒沾麵，仲可以將剩餘嘅湯底用黎撈芫茜飯，好似食緊龍蝦risotto 咁😆 多重口感享受，大滿足❤️
黃金赤海老 $128
酸酸甜甜，好開胃嘅調味，鮮甜嘅赤海老刺身配上大大粒咸香嘅魚子，口感同味道層次都好豐富👍🏻
手羽塩 $32
燒得相當出色，雞肉好嫩滑多汁，大推！👍🏻
塩燒五花腩 $35
肥瘦相間嘅五花腩，調味恰當好處，而且燒嘅火候控制得剛剛好，充滿油脂香☺️
整體食物質素同店舖環境都係中上質素，除咗拉麵之外，串燒都相當出色，情侶間嚟品嘗優質拉麵或者一大班朋友嚟飲酒食串燒大快朵頤都相當推薦！👍🏻
張貼
