Cucina

位於尖沙咀黃金地段嘅Marco Polo Hong Kong Hotel 馬可孛羅香港酒店，最近同知名化妝品牌benefit合作，設計咗兩款以美妝為主題嘅afternoon tea set。於酒店大堂酒廊提供嘅下午茶，為較為傳統嘅三層高下午茶，有鬆餅等鹹甜美點。每日三點開始供應。我今次試嘅係位於餐酒店6樓嘅意大利餐廳Cucina餐廳，對住無敵維港景，更係福布斯四星餐廳。呢度下午茶一至五由三點開始，星期六日就由三點半開始。Cucina去到10月尾嘅期間限定afternoon tea set, 以首飾箱為主題，同大堂酒廊提供食物嘅完全唔一樣，Cucina更加有創意，有朱古力唇膏、可以自己用化妝掃加落鹹點度嘅黑松露粉，扮hand cream嘅酸忌紅菜頭醬，扮魚子醬嘅果汁爆珠，好食又好玩。無論選擇邊款tea set，都會送benefit一套四件嘅收毛孔系列化妝品體驗裝連同一次免費蜜蠟脫唇毛服務，真係又食又拎又有得變靚靚。